وزیرصحت پنجاب ڈاکٹریاسمین راشدکاذیابیطس سے بچاؤاورعلاج معالجے کے حوالے سے آگاہی کے عالمی دن کے موقع پرپیغام

جمعرات 14 نومبر 2019 21:57

لاہور (اُردو پوائنٹ اخبارتازہ ترین - آن لائن۔ 14 نومبر2019ء) وزیرصحت پنجاب ڈاکٹریاسمین راشدنے ذیابیطس سے بچاؤاورعلاج معالجے کے حوالے سے آگاہی کے عالمی دن کے موقع پراپنے پیغام میں کہا ہے کہ پاکستان میں ذیابیطس کے مرض میں خطرناک حدتک اضافہ ہوچکاہے۔ انہوں نے کہاکہ متوازن غذااورباقاعدہ ورزش ذیابیطس سے بچاؤمیں انتہائی مددگارثابت ہوتی ہیں۔

(جاری ہے)

ذیابیطس کے مرض پربروقت قابونہ پانے سے جسم کے باقی اعضاء بھی بری طرح متاثرہوتے ہیں۔ صوبائی وزیر صحت ڈاکٹریاسمین راشدنے مزیدکہاکہ آج کا دن ذیابیطس کے مریضوں کومرض بارے آگاہی دینے اورعلاج معالجہ کویقینی بنانے کاپیغام دیتاہے۔ صوبہ بھرمیں ذیابیطس کے مریضوں کیلئے خصوصی آگاہی پروگرام شروع کیاجارہاہے۔ انہوں نے کہاکہ عوام میں ذیابیطس سے بچاؤبارے آگاہی پیداکرنے کیلئے میڈیاکواپنابہترین کرداراداکرناچاہئیے۔ پنجاب بھرکے سرکاری ہسپتالوں میں ذیابیطس کے مریضوں کیلئے کونسلنگ اور آگاہی فراہم کی جارہی ہے۔