Live Updates

مسلم لیگ نے کی خاتون رہنما فرزانہ بٹ نے نواز شریف کو بیرون ملک بھجوانے کیلئے خود کو گرفتاری کیلئے پیش کر دیا

ایک اور رہنما مرزا اخلاق احمد نے بھی خود کو نواز شریف کے لئے بطور سکیورٹی حکومتی تحویل میں رکھنے کی پیشکش کردی

muhammad ali محمد علی جمعہ نومبر 00:06

مسلم لیگ نے کی خاتون رہنما فرزانہ بٹ نے نواز شریف کو بیرون ملک بھجوانے ..
لاہور (اُردو پوائنٹ اخبارتازہ ترین۔ 14 نومبر2019ء) مسلم لیگ نے کی خاتون رہنما فرزانہ بٹ نے نواز شریف کو بیرون ملک بھجوانے کیلئے خود کو گرفتاری کیلئے پیش کر دیا، ایک اور رہنما مرزا اخلاق احمد نے بھی خود کو نواز شریف کے لئے بطور سکیورٹی حکومتی تحویل میں رکھنے کی پیشکش کردی۔ تفصیلات کے مطابق پاکستان مسلم لیگ ن کی لاہور سے تعلق رکھنے والی خاتون رہنما فرزانہ بٹ نے حکومت سے اپیل کی ہے کہ انہیں تحویل میں لے لیا جائے اور قائد مسلم لیگ ن نواز شریف کو علاج کیلئے بیرون ملک جانے کی اجازت دی جائے۔

فرزانہ بٹ نے باقاعدہ بیان حلفی جمع کروایا ہے اور موقف اختیار کیا ہے کہ حکومت انہیں اپنی تحویل میں لے کر نواز شریف کا نام ای سی ایل سے نکالے۔ اگر نواز شریف ملک واپس نہیں آتے تو بدلے میں انہیں گرفتار کر لیا جائے۔

(جاری ہے)



دوسری جانب ن لیگ کے ایک اور رہنما مرزا اخلاق احمد نے بھی حکومت کو اسی قسم کی پیش کش کی ہے۔ مرزا اخلاق احمد نے اس سلسلے میں اشٹام پیپر پر ایک بیان حلفی تیار کر کے حکومت کے حوالے کردیا ہے۔

جس میں کہا گیا ہے کہ وہ بطور سکیورٹی خود کو پنجاب حکومت کے حوالے کرنے کے لئے تیار ہے۔ اس کے عوض حکومت ان کے قائد نواز شریف کو بیرون ملک علاج کے لئے باہر بھیجنے کی اجازت دے۔ ان کا نام ای سی ایل سے نکال دے۔ نواز شریف کو واپسی تک وہ خود کو بطور سکیورٹی ضمانت پنجاب حکومت کی تحویل میں رکھیں گے۔
                                           
ڈیجیٹل پاکستان کی بنیاد سے متعلق تازہ ترین معلومات