مقبوضہ کشمیر ، 103ویں روز بھی بھارتی محاصرہ ،غیر یقینی صورتحال بدستور برقرار رہی
بھارتی قبضے کے خلاف زبردست بھارت مخالف مظاہرے،بھارتی فوجیوں کا مظاہرین پرطاقت کا وحشیانہ استعمال ،متعدد افراد زخمی امریکی اراکین کانگریس کا ایک بار پھر مقبوضہ کشمیر میں جاری پابندیوں، نظربندیوںاور مذہبی آزادی پر عائد قدغن پر اظہار تشویس
جمعہ 15 نومبر 2019 18:13
(جاری ہے)
نریندر مودی کی سربراہی میں قائم بھارتی حکومت کی طرف سے مقبوضہ کشمیر کی خصوصی حیثیت ختم کرنے اور اسکے بعد کیے جانے والے غیر انسانی اوروحشیانہ اقدامات کے خلاف لوگوں میں شدید غم وغصہ پایا جاتا ہے۔
مقبوضہ علاقے میں دفعہ 144کے تحت پابندیاں بدستور برقرار ہیں جبکہ چپے چپے پر بھارتی فورسز کے اہلکار تعینات ہیں ۔ انٹرنیٹ ، ایس ایم ایس اورپری پیڈ موبائل سروسز تاحال معطل ہیں۔ لوگ تعلیمی اداروں اور دفاتر میں نہیں جا رہے اور دکانیں زیادہ وقت بند رکھ کر کشمیرمخالف بھارتی اقدامات کے خلاف سول نافرمانی جاری رکھے ہوئے ہیں۔ جموںوکشمیر سیرت کمیٹی کشتواڑ نے ایک بیان میں بھارتی فوجیوں کی طرف سے تنظیم کے چیئرمین مولانا عبدالقیوم کی گرفتاری کی مذمت کی ہے۔ فوجیوں نے مولانا قیوم کو ایک ساتھی نصیر احمدباغوان کے ہمراہ گزشتہ ہفتے کے روز کشواڑ قصبے سے گرفتار کیا تھا ۔تازہ برف باری اور بارش کے باعث سرینگر جموں ، سرینگر لیہہ اورمغل روڈ بند ہو گئی ہیں۔ ان شاہراہوں پر ہزاروں گاڑیاں پھنس گئی ہیں۔ادھر امریکی ارکان کانگریس نے ٹام لینٹوز انسانی حقوق کمیشن کے زیر اہتمام انسانی حقوق کے بارے میں کانگریس کی ایک سماعت کے دوران ایک بار پھر مقبوضہ کشمیر میں جاری پابندیوں، نظربندیوںاور مذہبی آزادی پر عائد قدغن پر تشویش ظاہر کی ہے۔امریکی ایوان نمائندگان کی پہلی بھارتی نژاد رکن پرامیلا جیاپال نے اس موقع پر کہاکہ انہیںبلا جواز طورپر لوگوںکو نظربندکرنے ، ذرائع مواصلات کی بندش اور کسی تیسرے فریق کو مقبوضہ علاقے کے دورے کی اجازت نہ دینے سمیت کشمیرمیں بھارتی حکومت کے اقدامات پر گہری تشویش ہے ۔ ان کے ہمراہ ڈیموکریٹک پارٹی کے دیگر اراکین شیلا جیکسن لی ، ڈیوڈ ٹرون اور ڈیوڈ سیسیلین کے علاوہ بین الاقوامی مذہبی آزادی کے بارے میں امریکی کمیشن کی کمشنر ارونیما برگوابھی موجود تھیں جنہوںنے جموںوکشمیر کی خصوصی حیثیت کی منسوخی کے بعد مقبوضہ علاقے میں بھارتی اقدامات پرکڑی تنقید کی ۔ گزشتہ ماہ بھی کانگریس کی سماعت کے دوران مقبوضہ کشمیر کی صورتحال پر تشویش ظاہر کی گئی تھی ۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.