ملک کے بیشتر علاقوں میں کل موسم خشک جبکہ شمالی علاقوں میں سرد رہنے کا امکان ہے

اسلام آباد ۔ (اُردو پوائنٹ اخبارتازہ ترین - اے پی پی۔ 16 نومبر2019ء) محکمہ موسمیات نی( کل) اتوارکوملک کے بیشتر علاقوں میں موسم خشک ، شمالی علاقوں میں سرد رہنے جبکہ بالائی سندھ اور پنجاب کے میدانی علاقوں میں دھند پڑنے کا امکان ظاہر کیا ہے۔ محکمہ موسمیات کی جاری رپورٹ کے مطابق گذشتہ 24 گھنٹے کے دوران بالائی خیبرپختونخوا ، کشمیر کے اضلاع اور اسلام آباد میں کہیں کہیں جبکہ راولپنڈی ، بہاولپور بہاولنگر ، خان پور ، لیہ ، قصور ، خانیوال ، لاہور ، اوکاڑہ ، ساہیوال ، نارووال ، اٹک ، ژوب اور گلگت بلتستان کے اضلاع میں چند مقا مات پر گرج چمک کے ساتھ بارش ہوئی۔

سب سے زیادہ بارش،خیبرپختونخوا: دیر (بالائی 44 ، زیریں 34) ، پٹن ، مالم جبہ 40 ، کالام 34، دروش 32 ، تحت بائی 31 ، میر کھانی 30 ، چترال ، سیدو شریف 23 ، چیراٹ 19 ، پشاور17 ، کاکول 09 ، بالاکوٹ 08 ، بنوں 07 ، پاراچنار 04 ، ڈی آئی خان 02 ، پنجاب: بہاولپور (ائر پورٹ19 ، شہر 17) ، بہاولنگر 16 ، مری 12 ، اسلام آباد (سید پور 09 ، زیروپوائنٹ 08) ، لاہور (ائر پورٹ05 ، سٹی 01) ، خان پور 04 ، چکلالہ ، اٹک ، اوکاڑہ 03 ، منگلا ، ساہیوال ، نارووال 02 ، لیہ ، قصور ، خانیوال 01 ، کشمیر: مظفرآباد (ائر پورٹ18 ، سٹی 13) ، گڑھی دوپٹہ 09 ، راولاکوٹ 04 ، بلوچستان: ژوب 15 ، گلگت بلتستان : بگروٹ 08 ، گلگت 04، استور 01۔

(جاری ہے)

ہفتہ کو ریکارڈ کیے گئے کم سے کم درجہ حرارت: بگروٹ 02-،کالام01- اور قلات میں 0 ڈگری سینٹی گریڈ ریکارڈ کیا گیا۔