اسلام آباد ، اغواء کا معاملہ ،لڑکی کی والدہ کی درخواست پر ایم پی اے رنجیت سنگھ کے خلاف مقدمہ درج

اتوار 17 نومبر 2019 20:20

اسلام آباد(اُردو پوائنٹ اخبارتازہ ترین - این این آئی۔ 17 نومبر2019ء) تھانہ کراچی کمپنی کے علاقہ سے نیلم نامی لڑکی کے اغوا کے معاملے پر لڑکی کی والدہ کی درخواست پر ایم پی اے رنجیت سنگھ کے خلاف مقدمہ درج کیا۔اتوار کو لڑکی کی والدہ نے پولیس کو بتایا کہ اس کی بیٹی کو رنجیت سنگھ نامی شخص نے اغوا کیا ہے،پولیس نے تمام قانونی تقاضے پورے کرتے ہوئے اغوا کا مقدمہ درج کیا۔

(جاری ہے)

پولیس نے مقدمہ سے پہلے نامزد ملزم رنجیت سنگھ اور نیلم نامی لڑکی کی لوکیشن چیک کی تو دونوں کی لوکیشن اکٹھے آئی۔رنجیت سنگھ اور نیلم نامی لڑکی کی سی ڈی آر میں کالیں اور ایس ایم ایس بھی موجود تھے۔ترجمان پولیس کے مطابق کوئی بھی شہری درخواست دیتا ہے تو پولیس ایک ضبط کے تحت قانونی کارروائی کرنے کی پابند ہے ،پولیس کی نظر میں سب برابر ہیں ۔ ترجمان کے مطابق اندراج مقدمہ کے بعد تفتیش میں جو بھی صورتحال سامنے آئے اس کے مطابق کارروائی کی جاتی ہے