مہنگائی، بے روزگاری کے خاتمے،گڈ گورننس کیلئے وزیر اعظم بہتر کام کر رہے ہیں، شیخ رشید احمد
لئی ایکسپریس وے کا ٹینڈر پندرہ دنوں میں جاری کر دیا جائے گا ،80بلین روپے لاگت آئے گی، تقریب سے خطاب وقارالنساء کالج میںنئے بلاک کی تعمیراور ساڑھے سات کروڑ روپے فنڈز کا اعلان چین کے تعاون سے ایک ریلوئے یونیورسٹی بنائی جائے گی جس کے لئے اراضی مختص کی گئی ہے ، وفاقی وزیر ریلوئے
پیر 18 نومبر 2019 15:48
(جاری ہے)
ان خیالات کا اظہار شیخ رشید احمد نے پیر کے روز وقارالنساء پوسٹ گریجویٹ کالج میں سٹوڈنٹ کونسل کی تقریب حلف برداری سے خطاب کرتے ہوئے کیا۔اس موقع پر پارلیمانی سیکرٹری شیخ راشد شفیق، وقارلنساء کالج کی پرنسپل پروفیسر سائرہ مفتی، ڈائریکٹر کالجزشیر احمد ستی، راجہ بشیر احمد، استاتذہ و طالبات کی بڑی تعداد موجود تھیں۔
انہوں نے کہاہے کہ اپنے شہر کی بیٹیوں کو تعلیم سے آراستہ کیا ہے جس وجہ سے دنیا کی کوئی بھی طاقت راولپنڈی کو شکست نہیں دے سکتی،اللہ جسے چاہتا ہے اس سے کام لیتا ہے۔ انہوں نے کہاہے کہ جب راولپنڈی کی فاطمہ جناح یونیورسٹی بنائی تھی تو اس وقت لوگ کہا کرتے تھے کہ یہاں کون پڑھنے آئے گا مگر آج پاکستان کے تمام صوبوں بشمول کشمیر گلگت بلتستان کی بچیاں یہاں آکرتعلیم حاصل کر رہی ہیں، میڈیکل کا لج اور ٹیکسلا یونیورسٹی بنائی، حال ہی میں سیٹلائٹ ٹاون یونیوسٹی بنائی جہاں داخلے کے لئی7 ہزار بچیوں نے درخواستیں دی ہیں۔ انہوں نے کہا ہے کہ راولپنڈی کے تمام گنجان آباد علاقوں میں بچیوں کے لئے ایک سکول اور ایک کالج بنایا اور اب اس شہر میں دو نئی یونیوسٹیاں بنانے جا رہے ہیں۔ شیخ رشید احمد نے کہاہے کہ ایک انفارمیشن ٹیکنالوجی کی یونیورسٹی اورچین کے تعاون سے ایک ریلوئے یونیورسٹی بنائی جائے گی جس کے لئے اراضی مختص کی گئی ہے اور فنڈز چین کی طرف سے لگایا جائے گا۔انہوں نے کہاہے کہ وقارالنساء کالج کو یونیورسٹی بننا چاہیے تھا مگر یہاں ایک نئے بلاک کی تعمیر اور ساڑھے 7 کروڑ روپے فنڈز جاری کرنے کا اعلان بھی کرتا ہوں ۔انہوں نے کہاہے کہ راولپنڈی میں جلد 65کالجز مکمل ہوجائیں گے اور 72سالوں میں ایک بھی سول کالج کنٹونمنٹ کی حدود میں نہیں تھا ، ریلوے سے 14کروڑ کی لاگت جاری کرا کر سٹیشن روڈ پر پہلا کالج بنایا جہاں دسمبر سے کلاسز کا آغاز کیا جائے گاجبکہ رحیم آباد اور خیابان سر سید میں بھی نئے کالجز بنائے جائیں گے۔انہوں نے کاہے کہ پاکستان میں راولپنڈی واحد شہر ہوگا جہاں چار یونیوسٹیاں ہوں گی۔ تعلیمی اداروں کے ساتھ ساتھ علاج معالجے کی بہترین سہولتوں کے لئے بھی کام کر رہے ہیں جس میں دنیا کا جدیدزچہ بچہ ہسپتال کی تعمیر ہے جہاں 2 سو کنال اراضی پردیگرسہولتوں کے ساتھ 14آپریشن تھیٹرزکی تعمیر ہوگی۔ لئی ایکسپریس وے کا 15 دنوں میں ٹینڈر جاری کر دیا جائے گا جس پر 80 بلین لاگت آئے گی۔ چین کی ایک فرم کے ساتھ مل کر ریلوے کا ٹریک بچھانے کی بھی کوشش کی جائے گی جس سے عوام کو کافی سہولت ہو گی۔ انہوں نے کہا ہے کہ راولپنڈی شہر پچھلے 10 سال سے تعلیم میں پہلے نمبر پر ہے۔ شیخ رشید احمد نے سٹوڈنٹس کونسل کی نومنتخب عہدیداران کو اعزازی پٹیاں پیش کیں۔ پرنسپل سائرہ مفتی نے وفاقی وزیر شیخ رشید احمد اور پارلیمانی سیکرٹری شیخ راشدشفیق کو کالج کا اعزازی نشان پیش کیا۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.