عمران خان آئینہ کے سامنے کھڑے ہوکر کہتے ہیں این آر او نہیں دوں گا، نیئر حسین بخاری

سابق صدر تک ذاتی ڈاکٹروں کو رسائی نہ دینا بدترین تعصب ہے، شہید بھٹو کی طرح آصف زرداری بھی حکمرانوں سے رعائت نہیں مانگیں گے،سیکرٹری جنرل پیپلز پارٹی

پیر نومبر 19:15

عمران خان آئینہ کے سامنے کھڑے ہوکر کہتے ہیں این آر او نہیں دوں گا، ..
اسلام آباد (اُردو پوائنٹ اخبارتازہ ترین - این این آئی۔ 18 نومبر2019ء) سیکریٹری جنرل پیپلز پارٹی سید نیر حسین بخاری نے کہا ہے کہ عمران خان آئینہ کے سامنے کھڑے ہوکر کہتے ہیں این آر او نہیں دوں گا ۔

(جاری ہے)

ایک بیان میں انہوںنے کہاکہ عمران خان آئینہ کے سامنے کھڑے ہوکر کہتے ہیں این آر او نہیں دوں گا ، اب بلاول بھٹو کا بیانیہ چلے گا کہ صرف عوام کی مرضی چلے گی ۔انہوںنے کہاکہ آصف علی زرداری کے علاج کا حق مانگتے ہیں رعائت نہیں مانگتے ۔انہوںنے کہاکہ سابق صدر تک ذاتی ڈاکٹروں کو رسائی نہ دینا بدترین تعصب ہے ۔ انہوںنے کہاکہ شہید بھٹو کی طرح آصف زرداری بھی حکمرانوں سے رعائت نہیں مانگیں گے۔