وزیراعلیٰ کی زیر صدارت صوبائی پارلیمانی پارٹی کا اجلاس،پنجاب اسمبلی کے رواں سیشن کے حوالے سے حکمت عملی طے کی گئی

لاہور۔18 نومبر(اُردو پوائنٹ اخبارتازہ ترین - اے پی پی۔ 18 نومبر2019ء) وزیراعلیٰ پنجاب سردار عثمان بزدارکی زیر صدارت 90شاہراہ قائداعظم پر صوبائی پارلیمانی پارٹی کا اجلاس منعقد ہوا ۔اجلاس میں صوبائی وزراء،پاکستان تحریک انصاف اورپاکستان مسلم لیگ قائداعظم کے اراکین پنجاب اسمبلی نے شرکت کی۔اجلاس میں پنجاب اسمبلی کے رواں سیشن کے حوالے سے حکمت عملی طے کی گئی۔

وزیراعلیٰ نے صوبائی پارلیمانی پارٹی کے اجلاس سے خطاب کرتے ہوئے کہاکہ ہماری حکومت نے عوام کی فلاح وبہبود کو ہمیشہ مقدم رکھا ہے اورپنجاب میںتمام امورمشاورت کے ساتھ سرانجام دیئے جارہے ہیں ۔انہوںنے کہاکہ ویلج پنچایت کے الیکشن مارچ میں متوقع ہیںاوراس ضمن میںمحکمہ بلدیات ضروری انتظامات کررہا ہے۔ویلج پنچایت کے الیکشن غیر جماعتی بنیادوں پر ہوںگے جبکہ لوکل گورنمنٹس کے الیکشن دوسرے مرحلے میں ہوںگے۔

(جاری ہے)

لوکل گورنمنٹس کے الیکشن جماعتی بنیادوں پر ہوںگے۔وزیراعلیٰ نے لاہور کے شہریوں کیلئے میگاپراجیکٹس شروع کرنے کا اعلان کرتے ہوئے کہا کہ لاہور کے مختلف مقامات اوورہیڈبریج بنائے جائیںگے جس سے شہریوں کو آمد ورفت میں سہولت ملے گی اورٹریفک نظام بہتر ہوگا،اسی طرح ایک ارب کی لاگت سے لاہور کی سڑکوں کی تعمیر و مرمت کی جائے گی۔ وزیراعلیٰ نے کہا کہ ہماری حکومت نے جیلوں میں قیدیوں کی حالت زار کو بہتر بنانے کیلئے جامع اصلاحات متعارف کرائی ہیں۔

پیرول رولزکوتبدیل کررہے ہیں۔پیرول رولزکی تبدیلی سی5 ہزار قیدیوں کو فائدہ پہنچے گا۔ میں نے پنجاب کی تاریخ میں پہلی بار وزیراعلیٰ کے اختیارات استعمال کر کے قیدیوںکی سزاؤں میں کمی کی ہے اورجرمانے ادا کرکے ایک ہزار قیدیوں کو رہا بھی کرایا گیا ہے ۔انہوںنے کہا کہ ریسکیو 1122کے تحت موٹر بائیکس ایمبولینس سروس کا دائرہ کار اضلاع تک پھیلایا جارہاہے ۔

ریسکیو 1122کے ملازمین کے الاؤنس میں اضافہ کیا گیاہے ۔پرائس کنٹرول کیلئے صوبے میں موثر اقدامات کیے جارہے ہیں ۔ماڈل بازاروں کا دائرہ کار تحصیل کی سطح تک بڑھائیںگے۔ماڈل بازاروں میں کسان پلیٹ فارم متعارف کرایا ہے،جہاں کسان اپنی اجناس براہ راست فروخت کریںگے۔ ذخیرہ اندوزوں اورناجائزمنافع خوروں کے خلاف بلاتفریق کارروائی جاری رہے گی۔

مہنگائی پر قابو پانے کیلئے آپ سب کو متحرک کردار ادا کرنا ہے ۔وزیراعلیٰ نے نوجوانوں کو ہنر مند بنانے کیلئے آسان شرائط پر قرضوں کی نئی سکیم کے اجراء کا اعلان کرتے ہوئے کہا کہ9ارب روپے کے قرضے نوجوانوں کو دیئے جائیںگے جسے وہ اپنا کاروبار شروع کرسکیںگے۔پنجاب سیف سٹی پراجیکٹ کا دائرہ کاردیگر شہرو ں تک پھیلایا جارہا ہے ۔راولپنڈی اور ڈیرہ غازی خان میں سیف سٹی پراجیکٹس شروع کیے جارہے ہیں ۔

سموگ پر قابو پانے کیلئے متعلقہ محکموں کو چوکس کیا گیاہے ۔ اینٹوں کے بھٹوں اورسٹیل رولنگ انڈسٹریز کو جدید ٹیکنالوجی پر منتقل کیا جارہا ہے ۔گاڑیوں کی نمبر پلیٹس کا مسئلہ جلد ہوجائے گا ۔محکمہ ایکسائز کو نمبر پلیٹس کا مسئلہ حل کرنے کیلئے 14روزکا وقت دیا ہے ۔انہوںنے کہا کہ لاہوروالڈ سٹی اتھارٹی کا دائرہ کار پنجاب بھر میں بڑھایاجارہاہے ۔

تجاوزات کے خلاف آپریشن بلاامتیاز جاری رہے گا۔اراکین اسمبلی اپنے علاقوں میں تجاوزات کی نشاندہی کرے،فوری کارروائی ہوگی۔انہوںنے بتایا کہ 5 ہزار سی ٹی آئیزکو بھرتی کیاگیا ہے۔صوبے میں 9 بڑے ہسپتال بناے جارہے ہیں جس سے 9 ہزار بیڈز کا اضافہ ہوگا۔ 34اضلاع میں صحت انصاف کاررڈ کی تقسیم کا عمل مکمل ہوچکا ہے ۔باقی پسماندہ اضلاع میں صحت انصاف کارڈکی تقسیم کا کام اسی ماہ مکمل ہوگا۔

انہوںنے کہا کہ ’’نیا پاکستان منزلیں آسان‘‘منصوبے کے تحت دیہی سڑکوں کی تعمیر ومرمت کا پہلا مرحلہ دسمبر تک مکمل ہوجائے گا۔اس پروگرام کے تحت جنوری سے جون تک 1200کلومیٹر سڑکیں بنائی جائیںگی۔ دوسرے مرحلے میں اس پروگرام پر مجموعی طورپر 15ارب روپے لاگت آئے گی۔پنجاب میں پبلک پرائیویٹ پارٹنرشپ کے تحت 883کلومیٹرطویل سڑکوں کی تعمیر ہوگی،جن کی لاگت تقریبا180ارب روپے ہے۔

انہوںنے کہاکہ سیمنٹ انڈسٹری کے حوالے سے پالیسی تیارکرلی گئی ہے ۔سیمنٹ انڈسٹریزکی ترقی سے معیشت مضبوط ہوگی۔انہوںنے کہاکہ لینڈ ریکارڈکے 115سینٹرزاگلے ماہ کے آخر تک فنکشنل ہوجائیںگے۔25موبائل سینٹر بھی دسمبر کے آخر تک کام شروع کردیںگے۔ان سینٹرزکے قیام سے عوام کی مشکلات میں کمی ہوگی اور وہ بغیر کسی پریشانی کے اراضی کے دستاویزات حاصل کرسکیںگے۔

انہوںنے کہا کہ ہماری حکومت10سپیشل اکنامک زونزپر کام کررہی ہے ۔6سپیشل اکنامک رونز منظور ہوچکے ہیں ۔سابق ادوار میں صرف تین سپیشل اکنامک زونز بنائے گئے۔سپیشل اکنامک زونز کے قیام سے 2لاکھ افراد کو روزگار ملے گا۔انہوںنے کہا کہ 8یونیورسٹیاں اور3انسٹی ٹیوٹس کے قیام پر کام شروع کردیاگیاہے ۔زرعی کریڈٹ کارڈکا بھی جلد اجراء شروع ہوجائے گا۔

جنوبی پنجاب میں 2 سمال ڈیمز بنائے جائیںگے۔پنجاب کی تعلیمی پالیسی کا اعلان کیا جا چکا ہے ۔انہوںنے کہا کہ سکولوں میں عدم دستیاب سہولتوں کے لئے فنڈز مختص کردیئے گئے ہیں ۔اساتذہ کے لئے ای ٹرانسفر پالیسی کے مثبت نتائج سامنے آئے ہیں ۔لاہور میں ہائی رائز عمارتوں کی اجازت دی جاچکی ہے ۔پنجاب اسمبلی نے ایک سال میں ریکارڈ قانون سازی کی ہے ۔

انہوںنے کہا کہ اللہ تعالی کے فضل و کرم اورحکومت کی بہترین پالیسی سے مارچ اوراحتجاج کوبہترین طریقے سے ہینڈل کیاگیا۔ہر چھ ماہ کی کارکردگی سے اراکین اسمبلی کو آگاہ کروں گا۔پولیس ،انجینئرز اورڈاکٹروں کی تنخواہوں میں اضافہ کیاگیاہے ۔انہوںنے کہا کہ خواتین اراکین اسمبلی کو بھی ان کا حق دیا جائے گا۔کرپشن کو کبھی برداشت کیا ،نہ کروںگا۔

کرپشن کے خلاف زیرو ٹارلرنس کی پالیسی اپنائی ہے ۔انہوںنے کہا کہ اراکین اسمبلی کرپشن کی نشاندہی کریں فوری ایکشن لوںگا۔اراکین اسمبلی سے ملاقاتوں کا سلسلہ اسمبلی سیشن میں بھی جاری رہے گا۔آپ کے مسائل ترجیحی بنیادوں پر حل کریںگے۔اراکین اسمبلی پنجاب اسمبلی کے سیشن میں حاضری یقینی بنائیں۔صوبائی وزیر قانون راجہ بشارت نے پنجاب اسمبلی کے سیشن کے حوالے سے اراکین اسمبلی کو بریف کیا ۔انہوںنے کہا کہ اراکین اسمبلی نے ہمیشہ اسمبلی سیشن میں بھر پور شرکت کی ہے اورامید ہے کہ رواں سیشن کے دوران بھی اراکین اسمبلی بھرپور شرکت کریںگے۔