لندن میں طبیعت بہتر نہ ہونے پر نواز شریف کو فوری امریکا منتقل کیا جائے گا

لندن کی ہارلے اسٹریٹ کی نجی کلینک میں پلیٹیلیٹس کے ماہرین نواز شریف کا معائنہ کریں گے

منگل 19 نومبر 2019 22:23

لندن میں طبیعت بہتر نہ ہونے پر نواز شریف کو فوری امریکا منتقل کیا جائے ..

لندن(اُردو پوائنٹ اخبارتازہ ترین - این این آئی۔ 19 نومبر2019ء) سابق وزیراعظم نواز شریف علاج کی غرض سے لاہور سے براستہ دوحہ لندن روانہ ہوئے جو رات آرام کے بعد(کل)بدھ کی صبح ہارلے اسٹریٹ کلینک جائینگے ۔

(جاری ہے)

نواز شریف کے صاحبزادے حسن نواز کے فلیٹ میں نواز شریف کیلئے طبی سہولتوں سے آراستہ ایک کمرہ مخصوص کیا گیا ہے جس میں ضروری طبی آلات نصب کرنے کا عمل گزشتہ ہفتے سے جاری تھا۔ذرائع کے مطابق ہارلے اسٹریٹ کی نجی کلینک میں پلیٹیلیٹس کے ماہرین نواز شریف کا معائنہ کریں گے، نواز شریف کے علاج کیلئے امریکا میں طبی ماہرین سے بھی مشاورت کا عمل جاری ہے، لندن میں طبیعت بہتر نہ ہونے پر نواز شریف کو فوری طور پر امریکا منتقل کیا جائیگا۔