نقصان پہنچانے والے آوارہ کتوں کو مارنا شرعا ًدرست ہے ،ْفتویٰ کونسل

ہسپتالوں میں فوری علاج بھی دستیاب نہیں ،ْ حکومت اور متعلقہ ادارے اپنی ذمہ داریاں پوری کریں،ْ مفتی مصباح اللہ صابر

بدھ 20 نومبر 2019 20:35

نقصان پہنچانے والے آوارہ کتوں کو مارنا شرعا ًدرست ہے ،ْفتویٰ کونسل

کراچی(اُردو پوائنٹ اخبارتازہ ترین - این این آئی۔ 20 نومبر2019ء) اسلامک فقہ اکیڈمی پاکستان کے ڈائریکٹر مفتی مصباح اللہ صابر نے کہا ہے کہ اسلامک فقہ اکیڈمی کی فتویٰ کونسل کی تحقیق کے مطابق کتوں کی بہتات معاشرے سے پاکیزگی اور رحمت ختم کر دیتی ہے،شرعی طور پر کتے صرف حفاظت کے لئے محدود پیمانے پر رکھے جا سکتے ہیں۔آوارہ کتوں کے کاٹے سے کئی اموات ہوچکی ہیں،نقصان پہنچانے والے آوارہ کتوں کو مارنا شرعاً درست ہے۔

(جاری ہے)

انسانی جان کا تحفظ اور ضرر دور کرنا مقاصدِشریعت کا لازمی تقاضا ہے۔باؤلے اور آوارہ کتوں کے کاٹنے سے پاگل پن کا قوی خطرہ ہوتا ہے اور مشاہدہ یہ ہے کہ یہ مرض کسی بھی وقت حملہ آور ہوسکتا ہے۔ سب سے زیادی خطرہ بچوں اور خواتین کو رہتا ہے اور آوارہ کتوں کا آسان شکار بھی بچے اور خواتین ہی رہتی ہیں۔ طرفہ تماشا یہ کہ ہسپتالوں میں فوری علاج بھی دستیاب نہیں ہے اور چند ایک مقامات جو اس کے لئے مختص ہیں وہاں بد انتظامی عروج پر ہے۔حکومت اور متعلقہ ادارے اپنی ذمہ داریاں پوری کریں۔