Live Updates

واپڈا اور بجلی کمپنیوں میں کنٹریکٹ ملازمین کو مستقل کرنے کے اقدامات کو جلد مکمل کیا جائے گا

وفاقی وزیر برائے توانائی عمر ایوب خان کی آل پاکستان واپڈا ہائیڈرو الیکٹرک ورکرزیونین کے وفد سے ملاقات میں گفتگو

جمعرات نومبر 13:05

واپڈا اور بجلی کمپنیوں میں کنٹریکٹ ملازمین کو مستقل کرنے کے اقدامات ..
اسلام آباد (اُردو پوائنٹ اخبارتازہ ترین - اے پی پی۔ 21 نومبر2019ء) واپڈا اور بجلی کمپنیوں میںکنٹریکٹ ملازمین کو مستقل کرنے کے اقدامات کو جلد پایہ تکمیل تک پہنچایا جائے گا، نئی بھرتیوں کا عمل عنقریب شروع کیا جائے گا اوربجلی کمپنیوں کی مجوزہ نجکاری کے بارے میں ملازمین کے مؤقف کو وزیراعظم پاکستان کے سامنے پیش کریں گے، کارکنوں کی محنت سے پچھلے سال کے مقابلے میں بجلی چوری روکنے میں 1.40فیصد کمی ہوئی ہے اور نادہندگان سے 121 ارب روپے سے زائد کے واجبات وصول کرنے میں کامیابی ہوئی ہے ۔

ان خیالات کا اظہار وفاقی وزیر برائے توانائی عمر ایوب خان نے آل پاکستان واپڈا ہائیڈرو الیکٹرک ورکرزیونین سی بی اے کے مرکزی سیکرٹری جنرل خورشید احمد کی قیادت میں نمائندہ وفد سے ملاقات کے دوران کیا۔

(جاری ہے)

وفد میں مرکزی صدر عبداللطیف نظامانی، حاجی محمد رمضان اچکزئی،گوہرتاج، جاوید اقبال بلوچ، حاجی ظاہر گل، محمد رمضان جدون، طارق نیازی، آفتاب رفیق، ثاقب زینب، سجاد حسین ساجد اور دیگر شامل تھے جبکہ وفاقی سیکرٹری برائے توانائی عرفان علی اور منیجنگ ڈائریکٹر پیپکو وسیم مختاربھی اس موقع پر موجود تھے۔

خورشید احمد نے وفاقی وزیر عمر ایوب خان کو محکمہ بجلی کے کارکنوں کو درپیش مسائل و مشکلات سے آگاہ کرتے ہوئے مطالبہ کیا کہ بجلی صارفین کی بڑھتی ہوئی تعداد کی بنا پر بجلی کمپنیوں میں فوری طور پر نئی بھرتی شروع کی جائے، کنٹریکٹ اور ڈیلی ویجز ملازمین کوجلد ریگولر کیا جائے اور گدو تھرمل پاور ہائوس اور اسلام آباد اور لاہور کی منافع بخش الیکٹرک سپلائی کمپنیوں کی نجکاری کے فیصلے پر نظر ثانی کی جائے۔ وفاقی وزیر نے وفد کو یقین دلایا کہ محکمہ بجلی کے کارکنوں کے مسائل کے حل اور ان کیلئے محفوظ اور صحت مندانہ حالات کار یقینی بنانے کیلئے کوئی کسر اٹھانہیں رکھی جائے گی۔
ڈیجیٹل پاکستان کی بنیاد سے متعلق تازہ ترین معلومات