کوشش ہے میرے اوپر کسی خاص کردار کی چھاپ نہ لگے ‘ نیلم منیر

زندگی میں کبھی مایوس نہیں ہوتی ،ہر طرح کے کردارنبھائوں گی ‘ انٹرویو میں گفتگو

جمعرات 21 نومبر 2019 19:57

کوشش ہے میرے اوپر کسی خاص کردار کی چھاپ نہ لگے ‘ نیلم منیر

لاہور(اُردو پوائنٹ اخبارتازہ ترین - این این آئی۔ 21 نومبر2019ء) خوبرو اداکارہ نیلم منیر نے کہا ہے کہ میں ایک ہی طرح کا کام کر کے یکسانیت کا شکار نہیں ہونا چاہتی ، ابھی میرا بڑا طویل کیرئیر ہے اس لئے اسے پائیدار بنیادیں فراہم کرنے کیلئے کوشاں ہوں ۔ ایک انٹر ویو میں نیلم منیر نے کہا کہ کامیابی اور ناکامی انسان کی زندگی کا حصہ ہے۔

(جاری ہے)

کامیابی ملنے پر آپ کو مزید محنت اور لگن سے کام کرنا چاہیے جبکہ ناکامی سے مایوس اور دلبرداشتہ ہونے کی بجائے اپنااحتساب کر کے غلطیوں سے سیکھنا چاہیے ۔

انہوںنے کہا کہ میں اپنی زندگی میں کبھی مایوس نہیں ہوتی بلکہ میرے اندر آگے بڑھنے کا جذبہ ہے اور یہی میری کامیابی کا راز ہے ۔ نیلم منیر نے کہا کہ میری کوشش ہے کہ میرے اوپر کسی خاص کردار کی چھاپ نہ لگے اوراس کے ساتھ ایک ہی طرح کا کام کر کے یکسانیت کا شکار نہیںہونا چاہتی بلکہ میں سنجیدہ ، کامیڈی اور شوخ و چنچل ہر طرح کے کردارنبھائو ں گی ۔