تحریک انصاف کی جانب سے ڈی جی آئی ایس پی آر آصف غفور کی سالگرہ کا کیک کاٹا گیا

پیر 2 دسمبر 2019 21:44

جیکب آباد(اُردو پوائنٹ اخبارتازہ ترین - آن لائن۔ 02 دسمبر2019ء) تحریک انصاف کی جانب سے ڈی جی آئی ایس پی آر آصف غفور کی سالگرہ کا کیک کاٹا گیا۔

(جاری ہے)

تفصیلات کے مطابق جیکب آباد میں تحریک انصاف کے صوبائی رہنما راز خان پٹھان کی جانب سے ڈی جی آئی ایس پی آر میجر جنرل آصف غفور کی سالگرہ کا کیک کاٹا گیا ، سالگرہ کا کیک کاٹنے کی تقریب میں صحافیوں عبدالرحمن آفریدی، زاہد حسین رند، عبدالغنی کھوسو، وکی کمار وادھوانی، غلام حسین مستوئی سمیت دیگر نے شرکت کی، اس موقع پر تحریک انصاف کے رہنما راز خان پٹھان نے کہا کہ میجر جنرل آصف غفور کی خدمات کو کبھی فراموش نہیں کیا جاسکتا انہوں نے کہا کہ جنرل آصف غفور نے جس طرح بھارتی پروپیگنڈا کا ڈٹ کر مقابلہ کیا ہے وہ قابل تحسین ہے، آصف غفور سوشل میڈیا اور الیکٹرانک میڈیا پر ایسے ہیرو ہیں جنہوں نے دشمن کے ہر پروپیگنڈا کا ڈٹ کر دفاع کیا ہے، اس موقع پر ڈی جی آئی ایس پی آر کے لیے نیک تمناؤں کا اظہار کیا گیا