چیئر مین حریت کانفرنس سید علی گیلانی علیل، ڈاکٹروں تک رسائی نہیںدی جارہی

پیر 2 دسمبر 2019 22:53

سرینگر(اُردو پوائنٹ اخبارتازہ ترین - این این آئی۔ 02 دسمبر2019ء) مقبوضہ کشمیر میں کل جماعتی حریت کانفرنس کے چیئرمین سید علی گیلانی گزشتہ چند روز سے علیل ہیں جیسے کہ وہ پہلے ہی کئی عارضوں میں مبتلا ہیں۔

(جاری ہے)

کشمیرمیڈیا سروس کے مطابق سید علی گیلانی گزشتہ کئی برسوں سے اپنے گھر میں نظربند ہیں اور انہیں ڈاکٹروں تک رسائی نہیں دی جارہی ہے۔ بزرگ رہنما کی عمر90سال سے زائد ہے اور زائد العمری کے باوجود وہ تحریک آزادی کشمیر کی قیادت کررہے ہیں ۔ کل جماعتی حریت کانفرنس کی آزاد کشمیر شاخ کے کنوینر سید عبداللہ گیلانی نے لوگوں سے اپیل کی ہے کہ وہ بزرگ رہنما کی جلد صحتیابی کے لیے دعا کریں۔