مہران یونیورسٹی آف انجینئرنگ اینڈ ٹیکنالوجی میں بی ایس پروگرام کے پانچ شعبہ جات کے لئے کمپیوٹرائزڈ داخلہ ٹیسٹ کا کامیابی سے انعقاد

پیر دسمبر 22:54

حیدرآباد (اُردو پوائنٹ اخبارتازہ ترین - اے پی پی۔ 02 دسمبر2019ء) مہران یونیورسٹی آف انجینئرنگ اینڈ ٹیکنالوجی کی جانب سے نئے متعارف کردہ بی ایس پروگرام کے پانچ شعبہ جات کے لئے کمپیوٹرائزڈ داخلہ ٹیسٹ کامیابی سے منعقد ہوا۔ داخلہ ٹیسٹ میں کل 1330 امیدوار شریک ہوئے جن میں 880 طلبہ اور 450 طالبات شامل ہیں۔

(جاری ہے)

جامعہ مہران کی جانب سے شروع کردہ بی ایس پروگرام کے پانچوں شعبہ جات بزنس ایڈمنسٹریشن، کمپیوٹر سائنس، میتھامیٹکس، انگلش اور گارمنٹس مینوفیکچرنگ کے لئے داخلا ٹیسٹ لیا گیا۔

جامعہ مہران میں یہ پہلا مکمل کمپیوٹرائزڈ داخلہ ٹیسٹ منعقد کیا گیا۔ جامعہ مہران کے وائس چانسلر پروفیسر ڈاکٹر محمد اسلم عقیلی نے پری ایڈمشن ٹیسٹ کمیٹی (پیٹکو) کے ہمراہ ٹیسٹ سینٹر کی کمپیوٹر لیبارٹریوں کا دورہ کیا۔ اس موقع پر جامعہ مہران کے پرو وائس چانسلر پروفیسر ڈاکٹر طحہٰ حسین علی، رجسٹرار پروفیسر ڈاکٹر عبدالوحید عمرانی، ڈائریکٹر ایڈمیشن ڈاکٹر آغا فیصل حبیب، پیٹکو چیئرمین اور چاروں فیکلٹز کے ڈینز بھی موجود تھے۔

متعلقہ عنوان :