اوستہ محمدحسین آباد محلہ میں گیس کا بحران شدت اختیار کر گیا

گیس نہ ہونے کی وجہ سے محلے دار مہنگے داموں لکڑیاں اور گیس سلنڈر خریدنے پر مجبور ہیں

بدھ 4 دسمبر 2019 14:38

اوستہ محمد (اُردو پوائنٹ اخبارتازہ ترین - این این آئی۔ 04 دسمبر2019ء) اوستہ محمدحسین آباد محلہ میں گیس کا بحران شدت اختیار کر گیا۔گیس کی لائینوں میں گیس کے بجائے نالیوں کا گندہ پانی آرہا ہے۔گیس نہ ہونے کی شکایت سوئی سدرن گیس کمپنی اوستہ محمد کے آفیسر کو کی گئی تو انہوں نے گیس بحال کرنے کے بجائے کھڈا کھود کر گیس کی لائن بند کر دی۔اب کھڈے میں مزید نالیوں کا گندہ پانی بھر چکا ہے جس سے گیس کی لائن بھی پانی سے مزید بھر چکی ہے۔

موجودہ نااہل گیس آفیسر کی وجہ سے حسین آباد محلہ میں پانچ دن سے گیس کی سپلائی بند ہے۔گیس نہ ہونے کی وجہ سے محلے دار مہنگے داموں لکڑیاں اور گیس سلنڈر خریدنے پر مجبور ہیں۔جی ایم اور آر ایم سوئی سدرن گیس کمپنی بلوچستان اس جانب فوری نوٹس لیں۔

(جاری ہے)

ان خیالات کا اظہار آل پارٹیز شہری ایکشن کمیٹی کے جنرل سیکریٹری و بی این پی (مینگل)جعفرآباد کے سینئر رہنما میر منیراحمد مینگل نے ہمارے نمائندے سے بات چیت کرتے ہوئے کہا کہ موجودہ نا اہل آفیسر کی وجہ سے شہر میں دن بدن گیس کا بحران بڑھتا جا رہا ہے۔

شہری مہنگے داموں لکڑیاں ،گوبر اور گیس سلنڈر خریدنے پر مجبور ہیں۔حسین آباد محلہ میں گیس کی لائنوں میں نالیوں کا گندا پانی آ رہا ہے ۔گیس نہ ہونے کی شکایت سوئی سدرن گیس کمپنی اوستہ محمد کے آفیس میں دی گئی تو انہوں نے گیس بحال کرنے کے بجائے کھڈا کھود کر گیس کی لائن بند کر دی۔انہوں نے کہا کہ موجودہ آفیسر کا رویہ بھی صارفین کے ساتھ درست نہیں ۔

اگر انہیں گیس نہ ہونے کی شکایت دی جائے تو وہ مسئلہ حل کرنے کے بجائے صارفین کے ساتھ تلخ لہجے میں بات کر کے انہیں واپس بھیج دیتے ہیں۔جس کی وجہ سے گیس کے صارفین موجودہ گیس آفیسر سے بہت تنگ آچکے ہیں۔میر منیر احمد مینگل نے کہا کہ لاکھوں روپے کی رکوری ہونے کے باوجود گیس کا بحران ختم نہ ہو سکا۔انہوں جی ایم اور آر ایم سوئی سدرن گیس کمپنی بلوچستان سے پر زور مطالبہ کیا کہ اس جانب فوری نوٹس لیں اور موجودہ نااہل گیس آفیسر کے خلاف تحقیقات کر کے ان کا فوری تبادلہ کیا جائے بصورت دیگر آل پارٹیز شہری ایکشن کمیٹی عوام کی طاقت سے موجودہ گیس آفیسر کے خلاف شدید احتجاج کریگی۔