پاکستان اپنی اصل منزل کی طرف رواں دواں ہی: وزیراعلیٰ پنجاب

گ*ماضی کی غلط ترجیحات کے باعث پنجاب کے دور افتادہ علاقے ترقی سے محروم رہے۔ بیان

جمعہ 6 دسمبر 2019 20:35

پاکستان اپنی اصل منزل کی طرف رواں دواں ہی: وزیراعلیٰ پنجاب

لاہور(اُردو پوائنٹ اخبارتازہ ترین - آن لائن۔ 06 دسمبر2019ء) وزیر اعلیٰ پنجاب عثمان بزدار نے گزشتہ حکومت پر تنقید کرتے ہوئے کہا کہ ماضی کی غلط ترجیحات کے باعث پنجاب کے دور افتادہ علاقے ترقی سے محروم رہے۔اپنے ایک بیان میں وزیراعلیٰ پنجاب عثمان بزدار نے کہا کہ حکومت نے وسائل کا رخ پسماندہ علاقوں کی ترقی کے لیے موڑ دیا ہے کیونکہ ماضی کی غلط ترجیحات کے باعث پنجاب کے دور دراز کے شہر ترقی سے محروم رہے۔

(جاری ہے)

وزیر اعلیٰ پنجاب نے کہا کہ ترقیاتی منصوبے عوام کی حقیقی ضروریات کو مدنظر رکھ کر ترتیب دیئے گئے ہیں کیونکہ حکومت تمام علاقوں کی یکساں ترقی پر یقین رکھتی ہے۔عثمان بزدار نے کہا کہ ترقی اور خوشحالی ہر شہر کے لوگوں کا بنیادی حق ہے اور ہم عوام کو زیادہ سے زیادہ سہولتیں ان کی دہلیز پر فراہم کریں گے۔ان کا کہنا تھا کہ نیا پاکستان عام آدمی کا پاکستان ہے اور اس وقت پاکستان اپنی اصل منزل کی جانب رواں دواں ہے۔