ایبٹ آباد سے تحریک انصاف کے رہنما سردار راشد ایڈووکیٹ کا ساتھیوں سمیت مسلم لیگ (ق)میں شمولیت کا اعلان

ملاقات میں ارکان قومی اسمبلی مونس الٰہی، سالک حسین، محبوب اللہ جان، وجیہہ الزمان اور دیگر رہنما بھی موجود تھے ، اعلامیہ جاری

جمعہ 6 دسمبر 2019 23:26

اسلام آباد(اُردو پوائنٹ اخبارتازہ ترین - این این آئی۔ 06 دسمبر2019ء) پاکستان مسلم لیگ کے صدر و سابق وزیراعظم چودھری شجاعت حسین اور ارکان قومی اسمبلی مونس الٰہی اور سالک حسین سے تحریک انصاف ایبٹ آباد کے رہنما سردار راشد ایڈووکیٹ نے ان کی رہائش گاہ پر ملاقات کی۔ ملاقات کے دوران سردار راشد ایڈووکیٹ نے ساتھیوں سمیت پاکستان مسلم لیگ میں شمولیت کا اعلان کیا۔

(جاری ہے)

اس موقع پر صدر پاکستان مسلم لیگ کے پی کے محبوب اللہ جان، جنرل سیکرٹری وجیہہ الزمان، سابق ایم پی اے جاوید نسیم، پاکستان مسلم لیگ کے سینئر نائب صدر یوسف خان ہوتی، سردار عادل حمیدسابق امیدوار صوبائی اسمبلی ہری پور، سردار فیصل حمید، سردار عاصم، ملک جمیل صوبائی صدر پاکستان مسلم لیگ یوتھ ونگ، سید حامد شاہ سابق امیدوار قومی اسمبلی این اے 17 ہری پور، وقار تنولی بھی شامل تھے۔