حرا مانی، آئمہ بیگ کے ساتھ ڈرامہ ’’دوبول‘‘ کے ٹائٹل سانگ کی گائیگی میں شامل

پیر 9 دسمبر 2019 12:33

اسلام آباد (اُردو پوائنٹ اخبارتازہ ترین - اے پی پی۔ 09 دسمبر2019ء) اداکارہ حرا مانی نے گلوکارہ آئمہ بیک کے ساتھ ڈرامہ ’’دوبول‘‘ کے ٹائٹل سانگ میں اپنی آواز کا جادو جگایا ہے۔ حرامانی اداکاری کے ساتھ ساتھ گلوکاری میں بھی مہارت رکھتی ہیں اور سوشل میڈیا میں اکثر مختلف گانوں کو کنگناتے ہوئے ویڈیوز بھی شیئر کرتی رہتی ہیں۔

(جاری ہے)

اداکارہ ان دنوں ’’آئی پی پی اے تھرڈ ایوارڈز ‘‘ کے لئے ناروے اسلو میں موجود ہیں ، انہوں نے اس ایوارڈز کی تقریب میں گلوکارہ آئمہ بیگ کے ساتھ ڈرامہ ’’دوبول‘‘ کے ٹائٹل سانگ ’’جا تجھے معاف کیا‘‘ کو گایا جسے بہت سراہا گیا۔ یاد رہے حرامانی نے اس ڈرامے میں اداکار عفان وحید کے ساتھ مرکزی کردار ادا کیا جسے بہت سراہا گیا۔