اومان آئل کمپنی کا آئندہ سال اپنے آئی پی اوز جاری کرنے کا اعلان

منگل 10 دسمبر 2019 16:57

مسقط۔ (اُردو پوائنٹ اخبارتازہ ترین - اے پی پی۔ 10 دسمبر2019ء) اومان کی سرکاری تیل کمپنی اومان آئل کمپنی نے آئندہ سال اپنے آئی پی اوز جاری کرنے کا اعلان کیا ہے۔

(جاری ہے)

اومان کے وزیر تیل محمد الرومہی نے کہا ہے کہ اومان تیل کی آمدنی پر انحصار کم کرنے کے ایک منصوبے کے تحت اومان آئل کمپنی کے شیئرز فروخت کے لئے پیش کرے گا جس کے لئے مالیاتی اداروں کے ساتھ معاملات حتمی ہو چکے ہیں جبکہ اائی پی اوز کی فروخت کے علاوہ اومان آئل میں سرمایہ کاری کی بھی دعوت دی جائے گی۔اومان کی قومی آمدنی کا 70 فیصد ہائیڈرو کاربن اور اس کی مصنوعات کی فروخت جبکہ 60فیصد برآمدات سے حاصل ہوتا ہے۔ عالمی مارکیٹ میں تیل کی قدر گرنے سے اومان کا بجٹ خسارہ 4 بلین ڈالر پر آچکا ہے۔