آصف علی زرداری اور نواز شریف کا سیاسی کیریئر ختم ہو گیا، کوئی بھی سیاسی جماعت پی ٹی آئی کے ووٹروں کی تعداد میں کمی نہیں کر سکتی، شیخ رشید احمد کی نجی ٹی وی چینل سے گفتگو

جمعرات 12 دسمبر 2019 00:30

اسلام آباد ۔ (اُردو پوائنٹ اخبارتازہ ترین - اے پی پی۔ 12 دسمبر2019ء) وفاقی وزیر ریلوے شیخ رشید احمد نے کہا ہے کہ آصف علی زرداری اور نواز شریف کا سیاسی کیریئر ختم ہو گیا ہے، دونوں سیاستدانوں کا کھیل اب باقی نہیں رہا، نواز شریف عدالتی احکامات پر باہر گئے لیکن وہ علاج معالجے کے بہانے مزے اڑا رہے ہیں۔ بدھ کو نجی ٹی وی چینل سے گفتگو کرتے ہوئے انہوں نے کہا کہ یہ دونوں سیاستدان پاکستان تحریک انصاف (پی ٹی آئی) کو کوئی نقصان نہیں پہنچا سکتے، پی ٹی آئی کا ووٹر موجودہ قیادت کے ساتھ ہے اور ان کی خواہش ہے کہ حکومت بدعنوان عناصر کا احتساب کرے۔

(جاری ہے)

مریم نواز کی جانب سے اپنے والد کی عیادت کیلئے بیرون ملک جانے سے متعلق ایک سوال پر انہوں نے کہا کہ اگر عدالت مریم نواز کو ضمانت دیتی ہے تو پھر موجودہ حکومت عدالتی عظمیٰ سے مدد طلب کرے گی تاہم عدالتی حکم کے بعد مریم نواز کے معاملے کا فیصلہ کابینہ کرے گی۔ آرمی چیف کی مدت ملازمت میں توسیع سے متعلق شیخ رشید نے کہا کہ اس معاملے کے حوالے سے تفصیلی عدالتی حکم ابھی نہیں آیا۔ ایک اور سوال پر انہوں نے کہا کہ جمعیت علمائے اسلام (جے یو آئی ف) یا کوئی اور جماعت پنجاب میں پی ٹی آئی کے ووٹروں کی تعداد میں کمی نہیں کر سکتی۔

پاکستان تحریک انصاف سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں