پی ٹی آئی دھرنا ، پولیس تشدد سے ورکرز جاں بحق کیس

شاہ محمود قریشی کو جواب جمع نہ کر انے پر نوٹس جاری

جمعرات 12 دسمبر 2019 12:52

پی ٹی آئی دھرنا ، پولیس تشدد سے ورکرز جاں بحق کیس

اسلام آباد (اُردو پوائنٹ اخبارتازہ ترین - این این آئی۔ 12 دسمبر2019ء) انسداد دہشتگردی عدالت میں پی ٹی آئی دھرنے کے دوران پولیس تشدد سے 2 پی ٹی آئی ورکرز کے جاں بحق میں سابق وزیر اعظم نواز شریف کے خلاف اخراج مقدمہ پر شاہ محمود قریشی کی جانب سے جواب جمع نہ کروایا جا سکا،عدالت نے وزیر خارجہ شاہ محمود قریشی کو دوبارہ نوٹس جاری کر دیا۔

(جاری ہے)

جمعرات کو سماعت انسداددہشتگردی عدالت کے جج راجہ جواد عباس حسن نے کی،عدالت نے تفتیشی افسر کی اخراج مقدمہ کی رپورٹ پر مدعی شاہ محمود قریشی سے جواب طلب کر رکھا ہے ،2014 میں موجودہ وزیر خارجہ شاہ محمود قریشی کی مدعیت میں ایف آئی ار درج کی گئی تھی،ایف آئی آر میں سابق وزیراعظم نوازشریف کو نامزد کیا گیا تھا،مقدمے کا تفتیشی افسر سابق وزیراعظم نوازشریف کو کلین چٹ دے چکا ہے،استغاثہ کی عدم پیروی پر عدالت نے دوبارہ نوٹس جاری کیا۔