اسرائیل میں اکثریتی اتحاد کے قیام میں ناکامی، رواں سال تیسرے انتخابات کا اعلان

جمعرات 12 دسمبر 2019 14:40

تل ابیب (اُردو پوائنٹ اخبارتازہ ترین - این این آئی۔ 12 دسمبر2019ء) اسرائیل میں اکثریتی اتحاد قائم نہ ہونے کی وجہ سے ایک سال میں تیسرے انتخابات کا اعلان کر دیا گیا۔

(جاری ہے)

اسرائیل میں منتخب سیاسی رہنما اکثریتی اتحاد تشکیل دینے کی ڈیڈ لائن سے قبل حکومت سازی کرنے میں ناکام رہے ہیں، اپوزیشن لیڈر اور سابق آرمی چیف بینی گینٹز کا کہنا تھا کہ ان کی حکومت بنانے کی کوششیں ناکام ہو گئی ہیں، انہوں نے رواں سال تیسرے انتخابات کا اشارہ دیا تھا۔

رواں ستمبر میں ہونے والے انتخابات میں وزیراعظم نیتن یاہو اور ان کے حریف بینی گینٹز میں سخت مقابلہ ہوا تھا تاہم الیکشن کے بعد ڈیڈ لائن ختم ہونے کے باوجود دونوں رہنما حکومت سازی کا اعلان کرنے میں ناکام رہے تھے۔جس کے بعد تیسرے عام انتخابات کے انعقاد کا اعلان کر دیا گیا ہے۔ آئندہ عام انتخابات دو مارچ کو منعقد ہونے کی توقع کی جا رہی ہے۔