شاہد خان آفریدی نے صفر پر آؤٹ ہونے کی سنچری بھی مکمل کرلی

جمعہ 13 دسمبر 2019 16:14

ڈھاکہ (اُردو پوائنٹ اخبارتازہ ترین - این این آئی۔ 13 دسمبر2019ء) سابق کپتان شاہد خان آفریدی نے صفر پر آؤٹ ہونے کی سنچری بھی مکمل کرلی۔شاہد آفریدی کی جارحانہ بیٹنگ کسی بھی ٹیم کیلیے مختصر ترین فارمیٹ میں اثاثے سے کم نہیں مگر ’ہٹ اینڈ مس‘ اسٹائل اکثر بری طرح آؤٹ ہونے کا باعث بھی ثابت ہوتا ہے، گذشتہ روز وہ بنگلادیش پریمیئر لیگ میں ڈھاکا پلاٹون اور راجشاہی رائلز کے درمیان میچ میں صفر پر وکٹ گنوا بیٹھے،انھیں روی بوپارا نے میدان بدر کیا، یہ 100 واں موقع ہے جب شاہد آفریدی مسابقتی کرکٹ میں بغیر کھاتہ کھولے رخصت ہوئے۔

(جاری ہے)

انٹرنیشنل کرکٹ میں 44بار ایسا ہوا جس میں30 ون ڈے صفر،6 ٹیسٹ اورٹی20 میں 8 شامل ہیں،56 بار ڈومیسٹک فرسٹ کلاس کرکٹ، لسٹ اے اور ٹی 20میں انھیں کھاتہ کھولنے کا موقع نہیں ملا۔