بنگلہ دیش پریمیئر لیگ میں حیران کن وائیڈ اور نو بالز

ڈھاکا (اردو پوائنٹ تازہ ترین اخبار۔13 دسمبر2019ء) بنگلہ دیش پریمیئر لیگ میں حیران کن واقعہ پیش آیا جس پر سوشل میڈیا میں فکسنگ کا شبہ ظاہر کیا جارہا ہے۔ سلہٹ تھنڈرز کی نمائندگی کرنے والے ویسٹ انڈین فاسٹ باﺅلر کرشمار سنٹوکی کی دو گیندوں نے سوالات اٹھادیے۔ انہوں نے پہلے چٹوگرام چیلنجرز کے اویشکا فرنینڈو کو گیند کرائی جو غیرمعمولی حد تک وائیڈ تھی، وکٹ کیپر ڈائیو لگانے کے باوجودگیند نہ پکڑسکا اور وہ باﺅنڈری لائن پار کرگئی۔

(جاری ہے)

ایک گیند بعد انہوں نے نوبال پھینکی ان کا پیر کریز سے واضح طور پر لگ بھگ ایک میٹر باہر تھا۔ اس موقع پر کمنٹیٹر بھی حیران تھے کہ کس طرح اس قدر بڑی نوبال ہوسکتی ہے۔یاد رہے کہ بنگلہ دیش پریمیئر لیگ اس سے قبل بھی فکسنگ کے الزامات کی زد میں رہی ہے اور سوشل میڈیا پر اس واقعے کے بعد لیگ میں سپاٹ فکسنگ کا شبہ ظاہر کیا جانے لگا ہے ۔