دوسری افغان مہاجرین کرکٹ لیگ کوآرٹر فائنل مراحل میں داخل ہوگئی

جمعہ 13 دسمبر 2019 21:48

پشاور۔13دسمبر(اُردو پوائنٹ اخبارتازہ ترین - اے پی پی۔ 13 دسمبر2019ء) افغان کمشنریٹ صوبہ خیبرپختونخوا یواین ایچ سی آرکے باہم اشتراک سے دوسری افغان مہاجرین کرکٹ لیگ کوآرٹر فائنل مراحل میں داخل ہوگئی ہے ۔میزبان پشاورسمیت نوشہرہ، دیر،مردان،چارسدہ،صوابی اوربنوں کی ٹیمیں کوآرٹرفائنل میں پہنچ گئی ہیںایونٹ کافائنل پیر سولہ دسمبر کوحیات آباد سپورٹس کمپلیکس پشاورمیںکھیلاجائے گا۔

گذشتہ روزکھیلے گئے آخر ی پر ی کوآرٹرفائنل میچ میںنوشہرہ مہاجر کیمپ کی ٹیم نے دیرمہاجرکلب کودس رنز سے مات دیدی۔ٹاس جیت کر پہلے نوشہر ہ ٹیم نے کھیلتے ہوئے مقررہ بیس اوورز میں سا ت وکٹوں کے نقصان پر124رنز بنائے جواب میں دیر کی ٹیم آٹھ کھلاڑیوں کے نقصان پر114رنز بناسکی۔

(جاری ہے)

نوید کوشاندارباولنگ کارکردگی پرمین آف دی میچ کاایوارڈدیاگیا،چھ روز ہ افغان مہاجرین کرکٹ لیگ کافائنل پیر سولہ دسمبرکوکھیلاجائیگااس موقع پر ایک رنگارنگ اورپرقار تقریب سے حیات آباد سپورٹس کمپلیکس میںمنعقدہ ہوگی جس میں کامیاب ٹیموں میں ٹرافیاں،سرٹیفکیٹس ونقد انعامات دیئے جائیں گے واضع رہے کہ کمشنریٹ ویواین ایچ سی آرکے تعاون سے صوبہ خیبرپختونخواکے مختلف اضلاع میں قائم افغان مہاجرین کیمپوں میں مقیم بچوں اورنوجوانوں کی ذہنی وجسمانی نشوونما اور کومثبت صحت مندانہ سرگرمیوں کی فراہمی کے جذبے کے تحت ان کے لیے امسال بھی کرکٹ لیگ کاانعقاد کیاگیاتھا ۔