ہنگوپولیس کاسماج دشمن عناصرکیخلاف سرچ اینڈسٹرائیک آپریشن،اشتہاری مجرم سمیت 20گرفتار

سماج دشمن عناصرکے خلاف پولیس سرچ آپریشنزکاسلسلہ روزانہ کی بنیادپرجاری رہیگا، ڈی پی اوشاہداحمدخان

ہفتہ 14 دسمبر 2019 16:27

ہنگوپولیس کاسماج دشمن عناصرکیخلاف سرچ اینڈسٹرائیک آپریشن،اشتہاری ..

ہنگو (اُردو پوائنٹ اخبارتازہ ترین - اے پی پی۔ 14 دسمبر2019ء) ہنگوپولیس کاسماج دشمن عناصرکیخلاف سرچ اینڈسٹرائیک آپریشن'1مجرم اشتہاری سمیت20جرائم پیشہ افرادگرفتار۔گرفتارملزمان کے قبضہ سے 1بندوق، 1رائفل، 3پستول،02چارجرز، درجنوں مختلف بورکے کارتوس برآمد۔اس حوالے سے ڈی پی اوشاہداحمدخان نے کہاہے کہ سماج دشمن عناصرکے خلاف پولیس سرچ آپریشنزکاسلسلہ روزانہ کی بنیادپرجاری رہیگا۔

تفصیلات کے مطابق ریجنل پولیس آفیسرکوہاٹ ریجن طیب حفیظ چیمہ کی خصوصی ہدایت پر ڈسٹرکٹ پولیس آفیسرشاہداحمد خان کی زیرنگرانی تھانہ سٹی،صدر،دوابہ اورتھانہ ٹل کے ایس ایچ اوز نے ایس ڈی پی اوزکی قیادت میں پولیس پارٹی ایلیٹ فورس اور لیڈیز پولیس کے ہمراہ ضلع بھر کے مختلف علاقوں کندوکلے،سپین خاوری،کاٹگر،درسمند،سرہ غنڈی وغیرہ میں جرائم پیشہ افرادکے خلاف سرچ اینڈسٹرائیک آپریشن کرتے ہوئے قتل کے مقدمہ میں مطلوب 1مجرم اشتہاری سمیت20جرائم پیشہ افرادکوحراست میں لے لیا۔

(جاری ہے)

پولیس کے مطابق گرفتارملزمان کے قبضے سی1بندوق،3پستول،1رائفل'درجنوں مختلف بور کے راؤنڈز اور 678گرام چرس برآمدکرلی گئی ہے۔ ڈی پی اوشاہداحمدخان کااس حوالے سے کہنا تھا کہ آئی جی خیبرپختونخواہ کی خوصی احکامات پرضلع بھرمیں جرائم پیشہ عناصر،منشیات فروشوں، مجرم اشتہاریوں،غیرقانونی اسلحہ رکھنے والوں کیخلاف پولیس سرچ آپریشنزکاعمل کامیابی سے جاری ہے۔ہنگوپولیس عوام کی جان ومال کے تحفظ اورمجرمانہ سرگرمیوں کے موثرتدارک کیلئے تندہی سے اپنے پیشہ ورانہ فرائض بخوبی انجام دے رہی ہے۔انہوں نے مزید کہاکہ سماج دشمن عناصرکے خلاف پولیس سرچ آپریشنزکاسلسلہ روزانہ کی بنیادپر جاری رہے گا۔