لانس نائیک محمد محفوظ شہید(نشان حیدر) کا48واںیوم شہادت 18دسمبر کو منایا جائے گا

ہفتہ 14 دسمبر 2019 17:28

لاہور۔14 دسمبر(اُردو پوائنٹ اخبارتازہ ترین - اے پی پی۔ 14 دسمبر2019ء) لانس نائیک محمد محفوظ شہید(نشان حیدر) کا48واںیوم شہادت 18دسمبر کونہایت ہی عقیدت واحترام کے ساتھ منایا جائے گا۔ محمد محفوظ شہید 25اکتوبر1944 کو پنڈملکاں (موجودہ نام محفوظ آباد) ضلع راولپنڈی میں پیداہوئے۔

(جاری ہے)

انہوں نے 25اکتوبر1962 کو بری فوج میں شمولیت اختیار کی ۔لانس نائیک محمد محفوظ شہید نے 18دسمبر1971 کو واہگہ ،اٹاری سرحد پر جام شہادت نوش کیا ۔لانس نائیک محمد محفوظ شہید کے والد مہربان خان نے نشانہ حیدر کا اعزاز31جنوری 1977کو وصول کیا۔ ا ن کے یوم شہادت کے سلسلہ میں لاہور سمیت ملک بھر میں تعزیتی تقریبات انعقاد پذیر ہوں گی۔