حکومت بلوچی نوجوانوں کو اپنی پوشیدہ صلاحیتوں کو اجاگر کر نے کیلئے پلیٹ فا رم فراہم کر رہی ہے،گور نر پنجاب

ہفتہ 14 دسمبر 2019 18:39

لاہور۔14 دسمبر(اُردو پوائنٹ اخبارتازہ ترین - اے پی پی۔ 14 دسمبر2019ء) گور نر پنجاب چوہدری محمدسرور نے گور نر ہاؤس لاہور میں بلوچستان سے آنیوالے طلباء کے وفود سے گفتگو کرتے ہوئے کہا کہ بلوچستان سے آنیوالے طلباء کو گور نر ہاؤس لاہور آمد پر بھر پور خوش آمدید کہتاہوں اور انہیں یقین دلاتا ہوں کہ پنجاب بڑے بھائی کی طر ح اپنے بلوچی بھائیوں کیساتھ کھڑا ہے ، گورنر پنجاب نے کہا کہ وزیر اعظم عمران خان کی قیادت میں تحر یک انصاف کی حکومت بلوچستان کی ترقی اور خوشحالی کیلئے مختلف منصوبوں پر کام کر رہی ہے۔

(جاری ہے)

انہوں نے مزید کہا کہ ہماری حکومت بلوچی نوجوانوں کو ایسے پلیٹ فا رم فراہم کر رہی ہے جسکے ذریعے اُنہیں اپنی پوشیدہ صلاحیتوں کو اجاگر کر نے کے بھر پور مواقع ملیں گے۔