نیوزی لینڈ، سانحہ جزیرہ وائٹ آئی لینڈ میں ہلاک ہونے والوں کے سوگ میں ایک منٹ کی خاموشی اختیار کی گئی

پیر 16 دسمبر 2019 12:05

ولنگٹن (اُردو پوائنٹ اخبارتازہ ترین - اے پی پی۔ 16 دسمبر2019ء) نیوزی لینڈ میں جزیرہ وائٹ آئی لینڈ سانحہ کے متاثرین کے ساتھ اظہار یکجہتی اور ہلاک ہونے والوں کے سوگ میں ایک منٹ کی خاموشی اختیار کی گئی۔ 9 دسمبر کو جزیرہ وائٹ آئی لینڈ پر آتش فشاں پھٹنے کے واقعہ میں 16 افراد ہلاک اور 2 لاپتہ ہو گئے تاہم ہلاکتوں میں اضافے کا خدشہ ظاہر کیا جارہا ہے۔

(جاری ہے)

اس سلسلے میں نیوزی لینڈ کی وزیراعظم جیسنڈا آرڈن نے کہا کہ ہم جزیرہ وائٹ آئی لینڈ کے بڑے سانحہ میں ہلاک ہونے والوں خاندانوں کے ساتھ کھڑے ہیں۔ اس موقع پر آسٹریلوی وزیراعظم سکاٹ موریسن نے آن لائن اپنے پیغام میں زخمیوں اور ہلاک ہونے والوں کے خاندانوں کے ساتھ اظہار یکجہتی اور مدد کی پیشکش کی۔ سانحہ کے لاپتہ افراد کی تلاش جاری ہے جبکہ جزیرہ وائٹ لینڈ پر تمام سیاحتی سرگرمیاں معطل کر دی گئی ہیں۔