وزیراعظم عمران خان نے اضاخیل ڈرائی پورٹ کا افتتاح کر دیا

جدید سہولیات سے لیس ڈرائی پورٹ معیشت کی ترقی میں اہم کردار ادا کریگی ، بریفنگ

جمعہ 10 جنوری 2020 16:46

وزیراعظم عمران خان نے اضاخیل ڈرائی پورٹ کا افتتاح کر دیا

پشاور (اُردو پوائنٹ اخبارتازہ ترین - اے پی پی۔ 10 جنوری2020ء) وزیر اعظم عمران خان نے جمعہ کے روز ضلع نوشہرہ میں اضاخیل ڈرائی پورٹ کا افتتاح کر دیا۔ اس موقع پر وفاقی وزیر ریلوے شیخ رشید ، وفاقی وزیر دفاع پرویز خٹک اور دیگر اعلیٰ حکام بھی ان کے ہمراہ تھے۔ اس موقع پر پر بریفنگ میں وزیرا عظم کو بتایا گیا کہ اضاخیل ڈرائی پورٹ اپنی نوعیت کی جدید ڈرائی پورٹ ہے جسے 50 کروڑ 70 لاکھ روپے کی خطیر لاگت سے ایک سال کے عرصے میں مکمل کیا گیا ہے۔

(جاری ہے)

بریفنگ میں بتایا گیا کہ اس ڈرائی پورٹ کی تعمیر سے تجارتی مال کی کراچی پورٹ سے آمد اور بذریعہ سڑک افغانستان منتقلی کا عمل آسان ہو گا جس سے پاکستان اور افغا نستان کے تاجر خاص طور پر مستفید ہو سکیں گے، ڈرائی پورٹ پر سامان کی لوڈنگ ان لوڈنگ کے حوالے سے جدید سہولیات فراہم کی گئی ہیں، 28 ایکڑ پر محیط یہ ڈرائی پورٹ نوشہرہ شہر سے 8 کلومیٹر کی دوری پر مین جی ٹی روڈ پر واقع ہے جس سے پشاور رنگ روڈ سے بھی براہ راست باآسانی رسائی ممکن ہے‘ڈرائی پورٹ کو کراچی بندر گاہ سے فریٹ کی نقل وحمل اور سامان کی افغانستان منتقلی کی جاسکی گی، ڈرائی پورٹ ملک کی معیشت میں کلید ی کردار ادا کرے گی ۔