پاکستان اور چین کی دوستی ہر آزمائش پر پوری اتری ہے، پاکستان چین کے ساتھ اپنے تعلقات کو بڑی اہمیت دیتا ہے،

دونوں ممالک کے تعلقات علاقائی امن و سلامتی کے ضامن ہیں صدر مملکت ڈاکٹر عارف علوی کی چینی سفیر یائو جنگ سے گفتگو

جمعہ 17 جنوری 2020 17:59

پاکستان اور چین کی دوستی ہر آزمائش پر پوری اتری ہے، پاکستان چین کے ..

اسلام آباد ۔ (اُردو پوائنٹ اخبارتازہ ترین - اے پی پی۔ 17 جنوری2020ء) صدر مملکت ڈاکٹر عارف علوی نے کہا ہے کہ پاکستان اور چین کی دوستی ہر آزمائش پر پوری اتری ہے، پاکستان چین کے ساتھ اپنے تعلقات کو بڑی اہمیت دیتا ہے، دونوں ممالک کے تعلقات علاقائی امن و سلامتی کے ضامن ہیں۔ ان خیالات کا اظہار انہوں نے جمعہ کو پاکستان میں چین کے سفیر یائو جنگ سے ملاقات میں کیا۔

صدر مملکت نے کہا کہ چین۔

(جاری ہے)

پاکستان اقتصادی راہداری دونوں ممالک کے درمیان تعاون کی علامت ہے، سی پیک پاکستان اور چین کے درمیان دوطرفہ تعلقات کو مزید مضبوط بنانے میں اہم کردار ادا کرے گا جبکہ اس کی تکمیل سے پاکستان کو توانائی، صنعت اور انفراسٹرکچر کے شعبوں کی مکمل صلاحیت بروئے کار لانے میں مدد ملے گی۔ صدر مملکت نے کہا کہ چین ہمارے بنیادی قومی مفادات سے متعلق معاملات پر ہمیشہ پاکستان کے ساتھ کھڑا رہا ہے۔ انہوں نے بالخصوص کشمیر کے مسئلہ پر پاکستان کی حمایت پر چین کو سراہا۔