وزیر خارجہ مخدوم شاہ محمود قریشی کی امریکی سیکرٹری خارجہ مائیکل پومپیو سے ملاقات ،
گفتگو کے دوران بھارت کی جانب سے مقبوضہ جموں و کشمیر میں جاری انسانی حقوق کی سنگین خلاف ورزیوں کو اجاگر کرتے ہوئے خطہ میں قیام امن کے لئے بھارت اور پاکستان کے درمیان بنیادی تنازعہ، مسئلہ کشمیر کو حل کرنے کی ضرورت پر زور
ہفتہ 18 جنوری 2020 14:15
(جاری ہے)
وزیر خارجہ شاہ محمود قریشی نے اپنے ہم منصب کو آگاہ کیا کہ بھارت نے گزشتہ پانچ ماہ سے 80 لاکھ کشمیریوں کو کرفیو کے ذریعے محصور کر رکھا ہے۔
انہوں نے کہا کہ مقبوضہ جموں و کشمیر میں ذرائع مواصلات پر تاحال پابندی عائد ہے تاکہ اصل حقائق کو دنیا کی نظروں سے اوجھل رکھا جاسکے۔ مخدوم شاہ محمود قریشی نے کہا کہ امریکہ اور پاکستان کا ’’پرامن جنوبی ایشیاء‘‘ کا خواب اس وقت تک شرمندہٴ تعبیر نہیں ہو سکتا جب تک مسئلہ کشمیر کو اقوام متحدہ کی قراردادوں اور 80 لاکھ کشمیریوں کے استصواب رائے سے حل نہیں کیا جاتا۔ انہوں نے کہاکہ بھارت کے 5 اگست کے غیر قانونی اقدامات اور مقبوضہ کشمیر کی جغرافیائی حیثیت میں تبدیلی لانے کے اقدامات کے بعد پاک۔بھارت کشیدگی میں اضافہ ہوا ہے، مسلسل کرفیو کے دوران ہزاروں بے گناہ شہریوں اور ان کی حریت قیادت کو غیر قانونی حراست میں لیاجا چکا ہے اور ہر قسم کے مواصلاتی روابط منقطع کر دیئے گئے ہیں اور لائن آف کنٹرول اور ورکنگ بائونڈری کی مسلسل خلاف ورزیاں کی جا رہی ہیں۔ شاہ محمود قریشی نے بھارتی حکومت کے انتہا پسندانہ ہندتوا ایجنڈے اور لائن آف کنٹرول کی خلاف ورزیوں کے نتیجہ میں آزاد کشمیر میں شہری آبادیوں کو نشانہ بناکر بے گناہ شہریوں کو شہید کرنے کے بھارتی اقدامات پر بھی تشویش کا اظہار کیا اورکہا کہ اس سے جنوبی ایشیاء کے امن کو خطرات لاحق ہو گئے ہیں۔ دریں اثناء امریکی محکمہ خارجہ کی ویب سائٹ پر پوسٹ کئے گئے محکمہ خارجہ کے ترجمان مورگن ارتگاس کے بیان میں کہا گیا ہے کہ ملاقات کے دوران خطہ مین ایرانی سرگرمیوں، افغان امن عمل اور دو طرفہ معاشی تعلقات کے فروغ اورامریکہ۔پاکستان تعلقات کی اہمیت پر تبادلہ خیال کیا گیا۔ امریکی سفارتخانہ کی پریس ریلیز میں کہا گیا ہے کہ وزیر خارجہ شاہ محمو قریشی نے کہا کہ پاکستان اور امریکہ کے مابین قریبی تعلقات ہمیشہ باہمی مفاد میں رہیں اور جنوبی ایشیاء میں استحکام کا ایک اہم پہلو ہے۔ انہوں نے کہا کہ افغانستان میں قیام امن کیلئے پاکستان اور امریکہ کی مشترکہ کاوشوں سے 40 سالہ طویل محاذ آرائی کے بعد سیاسی حل کے ذریعے ’’امن کی نوید سنائی دے رہی ہے۔ پاکستان خلوص_نیت کے ساتھ ’’افغان امن عمل‘‘ کی اس مشترکہ ذمہ داری کو نبھا رہا ہے۔ تاریخی اعتبار سے جنوبی ایشیائی خطہ میں قیام امن کیلئے پاکستان اور امریکہ کی مشترکہ کاوشیں ہمیشہ سود مند ثابت ہوئی ہیں اور دونوں ممالک کیلئے یکساں مفید رہی ہیں۔ شاہ محمود قریشی نے کہا کہ وزیراعظم عمران خان اور صدر ٹرمپ کے جامع دوطرفہ پاک۔امریکہ تعلقات کے وژن کو عملی جامہ پہنانے کیلئے دوطرفہ تجارت اور سرمایہ کاری کو فروغ دینے کی ضرورت ہے۔ امریکی وزیر خارجہ مائیک پومپیو نے ’’افغانستان کے سیاسی تصفیہ ’’افغان امن عمل‘‘ اور پرامن ہمسائیگی کیلئے پاکستان کی مخلصانہ، مصالحانہ کاوشوں کو سراہا۔ وزیر خارجہ مخدوم شاہ محمود قریشی نے کہا ہے کہ پاکستان خطہ میں امن و استحکام کا خواہاں ہے اور خطہ میں پائی جانے والی کشیدگی کے خاتمہ کیلئے اپنا کردار ادا کرنے کیلئے پرعزم ہے، مسئلہ کشمیر کے حل تک امریکہ اور پاکستان کا ’’پرامن جنوبی ایشیاء‘‘ کا خواب شرمندہٴ تعبیر نہیں ہو سکتا، پاکستان خلوص۔نیت کے ساتھ ’’افغان امن عمل‘‘ کی اس مشترکہ ذمہ داری کو نبھا رہا ہے۔ وزیر خارجہ شاہ محمود قریشی نے امریکی ہم منصب مائیک پمپیو سے ملاقات کے دوران دوطرفہ پاک امریکہ تعلقات، اہم علاقائی و باہمی دلچسپی کے امور پر تبادلہ خیال کیا۔ وزیر خارجہ مشرق وسطیٰ میں پائی جانے والی کشیدگی اور خطہ میں امن و امان کی صورتحال کے تناظر میں وزیراعظم عمران خان کی ہدایت پر امریکہ کا دورہ کر رہے ہیں۔ وزیر خارجہ مخدوم شاہ محمود قریشی نے اپنے حالیہ دورہ ایران و سعودی عرب کے دوران ہونے والی ملاقاتوں کی تفصیلات سے امریکی وزیر خارجہ کو آگاہ کیا۔ شاہ محمود قریشی نے کہا کہ پاکستان خطہ میں امن و استحکام کا خواہاں ہے اور خطہ میں پائی جانے والی کشیدگی کے خاتمہ کیلئے اپنا کردار ادا کرنے کیلئے پرعزم ہے۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.