ڈی پی او سرگودھا کی ہدایت پر جاری سرچ آپریشن میں مسلح شخص کو گرفتار کر کے مقدمہ درج کر لیا گیا

ہفتہ 18 جنوری 2020 15:30

سرگودھا(اُردو پوائنٹ اخبارتازہ ترین - این این آئی۔ 18 جنوری2020ء) ڈسٹرکٹ پولیس آفیسر سرگودھا کی ہدایت پر جاری سرچ آپریشن میں مسلح شخص کو گرفتار کر کے مقدمہ درج کر لیا گیا۔

(جاری ہے)

ذرائع کے مطابق ڈی پی او عمارہ اطہر کی ہدایت جاری سرچ آپریشن میں گزشتہ روز شہر کے علاقہ سٹیلائٹ ٹاون ڈی بلاک اور گردونواح میں پولیس کی بھاری نفری، ایلیٹ فورس ، سپیشل برانچ اور دیگر حساس اداروں نے حصہ لیا۔جس میں 30 سے زائد گھروں کی تلاشی لی گئی جبکہ کہ 60 سے زائد مشکوک افراد کے کوائف کی تصدیق کی گئی اس دوران تلاشی لیتے ہوئے ایک شخص سے اسلحہ برآمد کر کے ملزم کو گرفتار کر لیا گیا جس کے خلاف تھانہ سٹیلائٹ ٹاون میں مقدمہ درج کر کے پولیس مصروف تفتیش ہے۔