آٹے کا بحران حکومت کی بدترین نالائقی ہے، مریم اورنگزیب

عمران خان کی حکومت کی غلط پا یسیو ں کی وجہ سے یہ ملک مزید نا لائقی اور نا اہلی کا متحمل نہیں ہو سکتا، ترجمان ن لیگ

ہفتہ 18 جنوری 2020 21:40

آٹے کا بحران حکومت کی بدترین نالائقی ہے، مریم اورنگزیب

اسلام آباد (اُردو پوائنٹ اخبارتازہ ترین - آن لائن۔ 18 جنوری2020ء) پاکستان مسلم لیگ (ن) کی ترجمان مریم اورنگزیب نے کہا ہے کہ آٹے کا بحران حکومت کی بدترین نالائقی ہے، عمران خان کی حکومت کی غلط پا یسیو ں کی وجہ سے یہ ملک مزید نا لائقی اور نا اہلی کا متحمل نہیں ہو سکتا۔

(جاری ہے)

مریم اورنگزیب نے ملک میں آٹے کے بحران پر اظہار تشویش کرتے ہوئے کہا ہے کہ روٹی 15 روپے اور نان 20 روپے کی ہونے کے بعد آٹے کا بحران حکومت کی بدترین نالائقی ہے، عمران خان صاحب آپ نے مکان، دکان، کاروبار اور مزدوری تباہ کرنے کے بعد اب غریبوں کا آٹا بھی بند کر دیا، نئے پاکستان میں آٹا ختم اور تندور بند ہوگیا اور عوام اب لنگر سے روٹی کھائیں ۔

مریم اورنگزیب کا کہنا تھا کہ 16 ماہ میں گیس 250 فیصد مہنگی ہوگئی یہ افسوسناک اور شرمناک ہے، سولہ ماہ پہلے اگر ایک خودکشی ہوجاتی تو آج کروڑوں عوام خود کشی کرنے سے بچ جاتی