پی ٹی آئی حکومت عوام کے ساتھ اپنے وعدے پورے کرنے میں ناکام رہی ،سینیٹر سراج الحق
معیشت آئی ایم ایف کے کلرکوں کے حوالے ،سٹیٹ بینک میں آئی ایم ایف کا کارندہ بٹھا کر پاکستان کو مہنگائی کے دلدل میں پھینک دیاگیا ہے ةلوگ تبدیلی کے لئے جماعت اسلامی کا ساتھ دیں، جماعت اسلامی ایک اسلامی اور فلاحی ریاست قائم کرے ۱مدینہ کی ریاست کے نعرے لگانے والوں نے مدینہ اور مکہ جانے والوں کے راستے بھی مسدود کر دیئے،عمران خان کی حکومت مکمل طور پر ناکام ہو چکی ، فوج کو غیر جانبدار رہنا چاہیے کیونکہ ہم ایک مضبوط فوج چاہتے ہیں اور ہمارا مقابلہ ہندوستان سے ہے کشمیر پر حکومت نے امریکی پالیسی اپنائی ہے لیکن یاد رکھیں پاکستانی قوم کشمیر پر کوئی سودا بازی نہیں کرنے دے گی، میٹ دی پریس سے خطاب
ہفتہ 18 جنوری 2020 22:00
(جاری ہے)
عمران خان کی حکومت مکمل طور پر ناکام ہو چکی ہے اور فوج کو غیر جانبدار رہنا چاہیے کیونکہ ہم ایک مضبوط فوج چاہتے ہیں اور ہمارا مقابلہ ہندوستان سے ہے ۔
کشمیر پر حکومت نے امریکی پالیسی اپنائی ہے لیکن یاد رکھیں پاکستانی قوم کشمیر پر کوئی سودا بازی نہیں کرنے دے گی ۔ان خیالات کا اظہار امیر جماعت اسلامی سینیٹر سراج الحق نے ہفتے کے روز پشاورپریس کلب کے پروگرام میٹ دی پریس سے خطاب کرتے ہوئے کیا ۔اس موقع پر جماعت اسلامی کے ڈپٹی جنرل سیکرٹری محمد اصغر ،جماعت اسلامی پشاور کے امیر عتیق الرحمان اور صحافیوں کی بڑی تعداد بھی موجود تھی ۔امیر جماعت اسلامی سراج الحق نے مختلف سوالوں کے جوابات دیتے ہوئے کہا کہ جماعت اسلامی اس ملک کے مسائل حل کر سکتی ہے اور جماعت اسلامی عوام کے مسائل حل کرنے میں دلچسپی رکھتی ہے ۔آئی ایم ایف ملک کو سپورٹ دینے کے بجائے عوام کو نچوڑ رہی ہے ۔ورلڈ بینک اور آئی ایم ایف نے جہاں پر قدم رکھا ہے وہاں پر غربت میں اضافہ ہوا ہے ۔غریب کا بچہ بھوکاسو رہا ہے اور تعلیم ان کے لئے ناممکن بنا دی گئی ہے ۔کرپشن ختم کرنے کے دعوے کئے گئے لیکن اس حکومت میں جائز کام کے لئے بھی کرپشن ہو رہی ہے ۔بلوچستان میں سونے اور تانبے کے کان خسارے میں جا رہے ہیں جو حکومت کی ناکامی پالیسیوں کا نتیجہ ہے ۔اسٹیبلشمنٹ غیر جانبدار رہے تو سیاسی جماعتیں اپنا کردار ادا کریں گی ۔اب پی ٹی آئی والے یہ تاثر دے رہے ہیں کہ انہیں لایاگیا ہے اور فیصل واڈا نے نجی ٹی وی کے پروگرام میں اس کی تفصیل بیان کر دی ۔اس نے جو حرکت کی ہے اس سے قومی ادارے کی ساکھ کو نقصان پہنچا ہے ۔جماعت اسلامی کراچی سے پشاور تک کے لوگوں کو منظم کر رہی ہے ۔جماعت اسلامی ڈرائنگ روم کی سیاست پر یقین نہیں رکھتی ۔امیر جماعت اسلامی سراج الحق نے مزید کہا کہ چہروں کی تبدیلی سے کچھ نہیں ہوتا ہے اس نظام کو اکھاڑ پھینک دینا ہو گا اور یہ کام صرف جماعت اسلامی ہی کر سکتی ہے کیونکہ اس بوسیدہ نظام سے ملک کو کوئی فائدہ نہیں ہورہا ہے ۔امیر جماعت اسلامی نے کہا کہ کشمیر کے مسئلے پر امریکی پالیسی اپنائی جارہی ہے لیکن ہم کسی کو امریکی پالیسی اپنانے نہیں دیں گے کیونکہ کشمیر پاکستان کیلئے زندگی اور موت کا مسئلہ ہے ۔کشمیر کے حوالے سے قوم کسی کے ساتھ کوئی سمجھوتہ نہیں کرے گی ۔بھارت کے ساتھ ہمارا مقابلہ ہے کیونکہ بھارت پاکستان کی جغرافیائی حدود کو نہیں مانتا ہے لیکن حکومت نے اتنی مہنگائی کر دی ہے کہ عوام کو متحد کرنا اس حکومت کیلئے مشکل ہے ۔امیر جماعت اسلامی سراج الحق نے کہا کہ پی ٹی آئی نے جو وعدے کئے تھے اس میں مکمل ناکام رہی ۔ایک کروڑ نوکریاں کیا دیتی 34لاکھ افراد کو بیروزگار کر دیا ہے ۔پچاس لاکھ گھر دینے کے بجائے لوگوں سے گھر چھینے جارہے ہیں ۔بی آر ٹی سے پشاور کو قبرستان بنا دیا گیا ہے ۔انہوں نے کہا کہ ملک میں اپوزیشن نے اپنے مفادات کی خاطر عوام کو چھوڑ دیا ہے اور صحیح اپوزیشن کا کردار صرف جماعت اسلامی ادا کر رہی ہے ۔جماعت اسلامی پر کرپشن کا کوئی الزام نہیں ہے اور جماعت اسلامی حکومت چلانے کیلئے ایک صالح قیادت رکھتی ہے اب عوام کو چاہیے کہ وہ جماعت اسلامی کا ساتھ دے ۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.