اداکارہنک آذاریہ کا’’دی سیمپسنز‘‘ سے کنارہ کشی کا اعلان

پیر 20 جنوری 2020 12:42

لاس اینجلس (اُردو پوائنٹ اخبارتازہ ترین - اے پی پی۔ 20 جنوری2020ء) امریکی اداکار ہنک آذاریہ نے اینیمیٹڈ سِٹ کام ’’دی سمپسنز‘‘ سے کنارہ کشی کا اعلان کیا ہے، انہوں نے اپنے حالیہ انٹرویو میں کہا کہ وہ اب ’’دی سمپسنز‘‘ کے کردار اًپو میں اپنی آواز کا جادو نہیں جگائیں گے۔

(جاری ہے)

انہوں نے یہ فیصلہ اپنے کردار کے پُر تعصب کہلائے جانے کے بعد کیا ہے جو کہ ایک ایشیائی دکاندار کا ہے ۔ان کے اس کردار پر متعصب ہونے کے الزامات 2017ء میں ہاری کنڈابولوکی دستاویزی فلم’’دی پرابلم ود اپو‘‘ کی ریلیز کے بعد عائد کیئے گئے ۔ہنک نے کہا ہے کہ ان کے نزدیک اس کردار کو اب چھوڑ دینا ہی درست رہے گا۔