سری لنکن انڈر 19 فاسٹ بولر نے شعیب اخترکا ریکارڈ توڑ دیا؟

بھارت کیخلاف گیند کی رفتار سکور بورڈ پر175 کلومیٹرفی گھنٹا نظرآئی ،تصدیق ہونا باقی

ذیشان مہتاب منگل 21 جنوری 2020 10:59

سری لنکن انڈر 19 فاسٹ بولر نے شعیب اخترکا ریکارڈ توڑ دیا؟

جوہانسبرگ(اردو پوائنٹ تازہ ترین اخبار۔ 20جنوری 2020ء ) سپیڈ میٹر کی غلطی یا حقیقت، سری لنکا کے انڈر 19 فاسٹ بولر ماتھیشا پاتھیرانہ نے مبینہ طور پر تیز ترین ڈلیوری کا ریکارڈ توڑ دیا۔انڈر 19 ورلڈ کپ میں بھارت سے میچ کے چوتھے اوورکی پانچویں ڈلیوری انھوں نے انتہائی فاسٹ کی جو وائیڈ قرار پائی،اس وقت سکور بورڈ کے ساتھ لگے سپیڈ میٹر پر 175 کلومیٹر فی گھنٹہ کا ہندسہ جگمگایا۔

(جاری ہے)

اب سوشل میڈیا پر یہ ویڈیو شیئر کرتے ہوئے بحث کی جا رہی ہے کہ رفتار کا اندازہ لگانے میں سپیڈمیٹر سے غلطی ہوئی یا حقیقت میں ماتھیشا پاتھیرانا نے شعیب اختر کی تیز ترین ڈلیوری کا ریکارڈ توڑ دیا جو انھوں نے ورلڈ کپ2003ء میں انگلینڈ کے سابق بلے بازنک نائٹ کے خلاف 161.3 کلومیٹر فی گھنٹہ کی رفتار سے کی تھی۔ انٹر نیشنل کرکٹ کونسل (آئی سی سی )کا اس حوالے سے آخری اطلاعات تک ردعمل سامنے نہیں آیا تھا۔