پاکستان کرکٹ ٹیم بنگلہ دیش کو شکست دینے کی صلاحیت رکھتی ہے، سابق ٹیسٹ کرکٹر آصف مجتبی

منگل 21 جنوری 2020 18:24

کراچی۔ (اُردو پوائنٹ اخبارتازہ ترین - اے پی پی۔ 21 جنوری2020ء) پاکستان کے سابق ٹیسٹ کرکٹر آصف مجتبی نے کہا ہے کہ بڑی خوشی کی بات ہے کہ اس سال پی ایس ایل کے تمام میچز پاکستان میں کھیلے جائیں گے جو ملک کیلئے اعزاز کی بات ہے۔ یہ بات انہوں نے السید کرکٹ اکیڈمی کے چیف کوچ اکرام اللہ اور تبسم آفتاب سے ملاقات کے موقع پرگفتگو کرتے ہوئے کہی۔

(جاری ہے)

قومی کرکٹرآصف مجتبی جو کہ امریکہ میں مقیم ہیں اور کراچی آئے ہوئے ہیں، نے مزید کہا کہ پاکستان کرکٹ ٹیم بنگلہ دیش ٹیم کو شکست دینے کی صلاحیت رکھتی ہے، ٹیم میں جونیئر اور سینیئر کھلاڑیوں کا اچھا کمبینیشن ہے، جونیئر کھلاڑیوں کو مستقبل میں اپنی جگہ مستحکم کرنے کا اچھا موقع ہے۔

انہوں نے بتایا کہ وہ امریکہ میں جب بھی موقع ملتا ہے کرکٹ کھیلتے ہیں، وہاں آج بھی پاکستان کے اسٹار کرکٹرز وسیم اکرم، شاہد آفریدی اور شعیب اختر سمیت دیگر کرکٹرز بے حد مقبول ہیں۔