پی سی بی اور آئی سی سی کے درمیان مثبت ملاقاتیں
جمعرات 23 جنوری 2020 20:23
دورہ پاکستان کے پہلے روز آئی سی سی کے چیف ایگزیکٹو نے اسلام آباد میں وفاقی وزیر برائے بین الصوبائی رابطہ فہمیدہ مرزا سے ملاقات کی۔ ملاقات میں آئی سی سی کے جنرل منیجرکمرشل کیمبل جیمیسن، چیئرمین پی سی بی احسان مانی اور چیف ایگزیکٹو پی سی بی وسیم خان نے شرکت کی۔
آئی سی سی کا 2 رکنی وفد جمعرات کے روزلاہور سیف سٹی پراجیکٹ کا دورہ کرنے کے بعد نیشنل کرکٹ اکیڈمی پہنچا۔ اس سے قبل انہیں پاکستان کرکٹ بورڈ کی جانب سے پریزینٹیشن دی گئی۔
(جاری ہے)
آئی سی سی چیف ایگزیکٹو مانو سواہنے کا دورہ آئی سی سی کے 2023سے 2031 کے درمیان شیڈول آئی سی سی ایونٹس کے حوالے سے اپنے ممبرز کو بریف کرنے کے سلسلے کی ایک کڑی تھی۔
نیشنل کرکٹ اکیڈمی لاہور میں ہونے والے اجلاس میں مانو سواہنے اور کیمبل جیمیسن نے ان ایونٹس کی میزبانی کی پیشکش، اس کے طریقہ کار اور متوقع ٹائم لائنز کے بارے میں جامع اور تفصیلی طور پر آگا ہ کیا۔
مانو سواہنے نے پی سی بی کو کرکٹ کی پروموشن گلوبل حکمت عملی، ڈویلپمنٹ اور عالمی کرکٹ کو درپیش چیلنجز کے بارے میں بھی اپ ڈیٹ کیا۔
وسیم خان، چیف ایگزیکٹو پی سی بی :
چیف ایگزیکٹوپی سی بی وسیم خان نے کہا کہ آئی سی سی کے 2 رکنی وفد کے ساتھ اگلے آٹھ سالہ سرکل کے حوالے سے بڑی مثبت اور تعمیری میٹنگز ہوئی ہیں۔انہوں نے کہا کہ وقت سے قبل آئی سی سی کی توقعات کے بارے میں معلومات ملنا پی سی بی کے لیے مفید رہا ہے۔
چیف ایگزیکٹو پی سی بی نے کہا کہ ان میٹنگز میں ہمیں آئی سی سی کے تقاضوں کے بارے میں آگاہی ملی ہے لہٰذا پی سی بی اس حوالے سے اب اپنی پیشکش سے متعلق دستاویزات بہتر انداز میں تیار کر سکے گا۔
وسیم خان نے کہا کہ انہیں یقین ہے کہ پی سی بی اگلے سرکل کے دوران آئی سی سی ایونٹس کی میزبانی کر سکتا ہے۔انہوں نے کہا کہ وہ جانتے ہیں کہ یہ عمل اتنا آسان نہیں ہے اور اس لیے ہمیں اس میں حکومت اور دوسرے اسٹیک ہولڈرز کا بھی تعاون درکار ہوگا۔
چیف ایگزیکٹو پی سی بی نے کہا کہ آئی سی سی نے دبئی میں کرکٹ کی بہتری اور ترقی کے لئے مفید اقدامات اٹھائے ہیں۔ انہوں نے کہاکہ پی سی بی بھی کرکٹ کی بہتری کے لیے اپنا کردار ادا کرتا رہے گا۔
مزید کھیلوں کی خبریں
-
انٹرنیشنل کرکٹ میں شکست کو سرپرائز نہیں کہہ سکتے، شاداب خان
-
ٹی 20 سیریز:پاکستان اور ویسٹ انڈیز کی ٹیمیں جمعہ کومدمقابل ہوں گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
چیمپئیزٹرافی 2025 ؛ بھارتی میڈیا پاکستان مخالف مخالف مہم چلانے میں سرگرم
-
اعظم خان اور محمد رضوان کے بعد ایک اور پاکستانی کھلاڑی زخمی ہو گیا
-
کیٹرینا سینیاکووا میڈرڈ اوپن ٹینس ویمنز سنگلز کےابتدائی رائونڈ میں ہار کر باہر ہوگئیں
-
پاکستان ماسٹرٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آؤٹ مرحلے میں پہنچ گئے
-
پاکستان اورنیوزی لینڈ کی کرکٹ ٹیموں کے درمیان چوتھا ٹی20 میچ (کل) قذافی سٹیڈیم لاہورمیں کھیلا جائے گا
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا
-
کیا عماد وسیم چوتھا ٹی ٹونٹی انٹرنیشنل کھیلیں گے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.