اے این پی کی خاتون رہنما پر قاتلانہ حملہ، گولیاں چلا دی گئیں

زیبا آفریدی کو پشاور میں ان کے پڑوسی نے نشانہ بنایا، حملہ آور گرفتار کر لیا گیا

محمد علی جمعہ 24 جنوری 2020 00:20

پشاور (اُردو پوائنٹ اخبارتازہ ترین۔ 23 جنوری2020ء) اے این پی کی خاتون رہنما پر قاتلانہ حملہ، گولیاں چلا دی گئیں، زیبا آفریدی کو پشاور میں ان کے پڑوسی نے نشانہ بنایا، حملہ آور گرفتار کر لیا گیا۔ تفصیلات کے مطابق بتایا گیا ہے کہ پشاور سے تعلق رکھنے والی اے این پی کی خاتون رہنما زیبا آفریدی پر قاتلانہ حملہ کیا گیا ہے۔

(جاری ہے)

پولیس کے مطابق زیبا آفریدی پر قاتلانہ حملہ ان کے پڑوس میں رہائش پذیر ایک شخص نے کیا۔

پولیس نے اس شخص کو گرفتار کر لیا ہے۔ مزید بتایا گیا ہے کہ زیبا آفریدی پر حملہ کرنے والا شخص کا ذہنی توازن ٹھیک نہیں ہے۔ زیبا آفریدی کی حالت تشویش ناک بتائی جاتی ہے، اس وقت وہ پشاور کے ایک مقامی ہسپتال میں زیر علاج ہیں۔ پولیس کی جانب سے واقعے کی مزید تحقیقات کا آغاز کر دیا گیا ہے۔