حوثی ملیشیا کا الحدیدہ میں اسپتال اور اقوام متحدہ کے مرکزپر حملہ

قوام متحدہ کے سیز فائر مانیٹر پوائنٹ پر گولہ باری کی جس کے نتیجے میں دونوں مراکز کو مادی نقصان پہنچا،ذرائع

ہفتہ 25 جنوری 2020 12:01

صنعاء (اُردو پوائنٹ اخبارتازہ ترین - این این آئی۔ 25 جنوری2020ء) یمن کے ایرانی حمایت یافتہ حوثی ملیشیا نے ساحلی شہر الحدیدہ میں 22 مئی اسپتال اور اقوام متحدہ کے سیز فائر مانیٹر پوائنٹ پر گولہ باری کی جس کے نتیجے میں دونوں مراکز کو مادی نقصان پہنچا ہے۔ غیرملکی خبررساں ادارے کے مطابق یہ واقعہ اقوام متحدہ کے ایلچی مارٹن گریفیتھس کے دارالحکومت صنعا چھوڑنے کے چند گھنٹے بعد پیش آیا۔

(جاری ہے)

انہوں نے یمن کے باغی لیڈروں سے جنگ بندی برقرار رکھنے اور عسکری کشیدگی کم کرنے کی ضرورت پر زور دیا۔ایک مقامی ذرائع نے بتایا کہ الحدیدہ میں 22 مئی اسپتال کو گولہ باری سے نشانہ بنایا جس کے نتیجے میں عمارت میں آگ بھڑک اٹھی۔ عینی شاہدین کے مطابق اسپتال پر حوثیوں کی طرف سے تین گولے داغے گئے۔حوثی ملیشیا نے الخامری چوکی پر اس کیقریب سے مکانوں کی چھتوں سے اسنائپروں سے فائرنگ کی گئی۔ الخامری ان پانچ کنٹرول پوائنٹس میں سے ایک ہے جو بین الاقوامی بحالی کی رابطہ کمیٹی نے اسٹاک ہوم معاہدے کے تحت الحدیدہ میں قائم کیے تھے۔