مظفرگڑھ، الیکٹرانک میڈیا نے صحافت میں انقلاب بپا کر دیا، نوابزادہ افتخار احمد

ہفتہ 25 جنوری 2020 12:56

مظفرگڑھ (اُردو پوائنٹ اخبارتازہ ترین - اے پی پی۔ 25 جنوری2020ء) پیپلزپارٹی کے رکن قومی اسمبلی اور سیکرٹری اطلاعات جنوبی پنجاب نوابزادہ افتخار احمد خان نے الیکٹرانک میڈیا ایسوسی ایشن خان گڑھ کی تقریب حلف برداری سے خطاب کرتے ہوئے کہا ہے کہ الیکٹرانک میڈیا نے صحافت میں انقلاب بپا کر دیا ہے، پہلے خبریں ایک دن بعد پڑھنے کو ملتی تھی لیکن آج چینلز پر فوری خبر آ جاتی ہے، الیکٹرانک میڈیا پر لحہ بہ لمحہ خبر چل رہی ہوتی ہے۔

(جاری ہے)

قبل ازیں نو منتخب صدر ڈاکٹر عقیل احمد، جنرل سیکرٹری رانا اشفاق احمد، چیئرمین مجلس عاملہ ملک شہباز احمد مونڈا سمیت تمام عہدے داران سے نوابزادہ افتخار احمد خان نے حلف لیا۔ اے سی مظفرگڑھ رانا شعیب نے ضلع بھر کی تمام صحافی برادری کے مثبت کردار کی تعریف کی اور کہا کہ میڈیا سے وہ راہنمائی لیتے ہیں۔ صحافی عنصر آفتاب نے الیکٹرانک میڈیا کی افادیت پر روشنی ڈالی۔ ڈسٹرکٹ انفارمیشن آفیسر مظفرگڑھ محمد شہزاد نے میڈیا پر زور دیا کہ وہ عوامی مسائل کو اجاگر کریں اور کہا کہ صحافیوں کو واچ مین کا کردار ادا کرنا چایئے۔