انڈر 19 ورلڈ کپ، انگلینڈ نے نائیجیریا کو 8 وکٹوں سے ہرا دیا

ہفتہ 25 جنوری 2020 20:56

کمبرلی ۔ (اُردو پوائنٹ اخبارتازہ ترین - اے پی پی۔ 25 جنوری2020ء) آئی سی سی انڈر 19 کرکٹ ورلڈ کپ کے آخری گروپ میچ میں انگلینڈ نے نائیجیریا کو 8 وکٹوں سے ہرا دیا۔

(جاری ہے)

ہفتہ کو کمبرلی میں کھیلے گئے ٹورنامنٹ کے 24 ویں میچ میں نائیجیریا انڈر 19 ٹیم پہلے بیٹنگ کرتے ہوئے 27.5 اوورز میں 58 رنز بناکر آئوٹ ہوگئی، جارج ہل اور حمید اللہ قادری نے چار، چار کھلاڑیوں کو آئوٹ کیا، جواب میں انگلینڈ انڈر 19 ٹیم نے ہدف 11 اوورز میں 2 وکٹوں کے نقصان پر حاصل کر لیا، سام ینگ نے 39 رنز کی ناقابل شکست اننگز کھیلی۔