ویسٹ اندیز ٹیم آئندہ ماہ سری لنکا کا دورہ کرے گی

تین ون ڈے اور دو ٹی ٹونٹی انٹرنیشنل میچز کھیلے گی

منگل 28 جنوری 2020 21:53

ویسٹ اندیز ٹیم آئندہ ماہ سری لنکا کا دورہ کرے گی

جمیکا (اُردو پوائنٹ اخبارتازہ ترین - آن لائن۔ 28 جنوری2020ء) ویسٹ انڈیز کی کرکٹ ٹیم آئندہ ماہ سری لنکا کا دورہ کریگی جہاں وہ سری لنکا کے خلاف تین ون ڈے اور دو ٹی ٹونٹی میچز کی سیریز کھیلے گی۔ شیڈول کے مطابق ویسٹ انڈین ٹیم 10 فروری کو سری لنکا پہنچنے کے بعد میزبان ٹیم کے خلاف تین ون ڈے میچز کی سیریز کھیلے گی۔ ویسٹ انڈیز ٹیم ون ڈے سیریز سے قبل پہلا ٹور میچ 17 فروری جبکہ دوسرا ٹور میچ 20 فروری کو کھیلے گی۔

(جاری ہے)

دونوں ٹیموں کے درمیان ون ڈے سیریز کا پہلا میچ 22 فروری کو کولمبو میں کھیلا جائے گا، دوسرا ون ڈے میچ 26 فروری کو ہمبنٹوٹا میں کھیلا جائے گا جبکہ دونوں ٹیموں کے درمیان تیسرا اور آخری ون ڈے میچ یکم مارچ کو پالے کیلی میں کھیلا جائے گا۔ اس کے بعد دونوں ٹیموں کے درمیان دو ٹی ٹونٹی میچز کی سیریز کا پہلا میچ 4 مارچ کو پالے کیلی میں کھیلا جائے گا جبکہ دوسرا اور آخری ٹی ٹونٹی میچ 6 مارچ کو پالے کیلی میں ہی شیڈول ہے۔