کراچی کے مختلف علاقوں میں بارش، موسم خوش گوار ،کرنٹ لگنے سے دو افراد جاں بحق
بارش کے باعث کچھ علاقوں میں سڑکوں اور گلیوں میں پانی جمع ہو گیا جس نے کیچڑ کا روپ دھار لیا، مختلف علاقوں میں بجلی کی فراہمی معطل ہو گئی
منگل 4 فروری 2020 14:43
(جاری ہے)
تھوڑی دیر ہونے والی بارش کے بعد شہر کے بیشتر چوراہوں پر کیچڑ اور پانی جمع ہونے کے باعث صبح سویرے شہریوں کو جگہ جگہ ٹریفک جام کی صورتِ حال کا سامنا کر نا پڑا۔
کراچی کے جن علاقوں میں ہلکی اور تیز بارش ہوئی ان میں سرجانی ٹائون، نیو کراچی، نارتھ کراچی، یوپی سوسائٹی، ناگن چورنگی، مسلم ٹائون، بفر زون، لسبیلہ، گرو مندر، فیڈرل بی ایریا، لیاقت آباد، گلشنِ اقبال، گلستانِ جوہر، ملیر، شاہ فیصل کالونی، ایئر پورٹ، لانڈھی، کورنگی، ڈیفنس، کلفٹن، ایم اے جناح روڈ، صدر، آئی آئی چندریگر روڈ، برنس روڈ، اورنگی ٹائون، سائٹ، بلدیہ ٹائون، شیر شاہ، لیاری، لی مارکیٹ، جونا مارکیٹ، بولٹن مارکیٹ، کھارادر، میٹھادر، ٹاور، کیماڑی سمیت دیگر علاقے شامل ہیں۔محکمہ موسمیات کے مطابق سب سے زیادہ بارش ناظم آباد میں 3.5 ملی میٹر ریکارڈ کی گئی، کراچی ایئر پورٹ پر محکمہ موسمیات کے سینٹر پر 2.6 ملی میٹر، صدر کے علاقے میں 2.5، شاہ فیصل اور مسرور بیس پر 1.5، سرجانی ٹائون میں 1.2، نارتھ کراچی اور کیماڑی میں 0.5، جناح ایئر پورٹ پر 0.6، جبکہ گلستان جوہر میں 0.8 ملی میٹر بارش ریکارڈ کی گئی۔جہاں ہلکی بارش ہوئی، وہاں سڑکوں پر پھسلن بھی ہو گئی جس کے باعث متعدد موٹر سائیکل سوار سلپ ہو کر زخمی ہوئے۔۔ترجمان محکمہ موسمیات نے بتایاکہ بارش برسانے والا مغربی سلسلہ شہر سے نکل گیاہے ،جس کے باعث مطلع بالکل صاف ہوگیاہے۔۔دوسری جانب چھیپا ذرائع نے بتایاکہ کراچی سپر ہائی پر غوثیہ شنواری ہوٹل کے قریب کرنٹ لگنے سے 50 سالہ شخص جاں بحق ہو گیا۔ادھرالآصف اسکوائر کے قریب کرنٹ لگنے سے ایک نامعلوم شخص جاں بحق ہو گیا، جس کی لاش عباسی شہید اسپتال منتقل کی گئی ہے۔ بارش کے بعد کئی علاقوں میں بجلی کے ساتھ کے الیکٹرک کا عملہ بھی غائب ہوگیا اور ترجمان کے الیکٹرک نے روایتی بیان جاری کر کے ذمہ داری پوری کرلی۔ترجمان کے الیکٹرک نے شہریوں کو احتیاط کی ہدایت کرتے ہوئے کہا کہ غیر قانونی ذرائع سے بجلی کا حصول ہرگز نا کریں، ٹوٹے ہوئے تاروں بجلی کے کھمبوں اور پی ایم ٹی سے دور رہیں، بارش میں بچوں کا خاص خیال رکھیں اور احتیاط برتیں، برقی آلات ننگے پاوں یا گیلے ہاتھ کے ساتھ نہ چھوئیں، بارش اور کھڑے پانی میں پانی کی موٹر جیسے برقی آلات کا غیر محفوظ استعمال حادثات کا سبب بن سکتا ہے۔مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.