سندھ روشن پروگرام کیس ، پیپلز پارٹی رہنما شرجیل میمن کی عبوری ضمانت میں تین مارچ تک توسیع

منگل 11 فروری 2020 17:44

اسلام آباد (اُردو پوائنٹ اخبارتازہ ترین - این این آئی۔ 11 فروری2020ء) اسلام آباد ہائیکورٹ نے سندھ روشن پروگرام کیس میں پیپلز پارٹی رہنما شرجیل میمن کی عبوری ضمانت میں تین مارچ تک توسیع کر دی ۔

(جاری ہے)

چیف جسٹس اسلام آباد ہائیکورٹ جسٹس اطہر من اللہ اور جسٹں فیاض احمد جندران نے سماعت کی ۔ چیف جسٹس نے کہاکہ کیا شرجیل میمن تفتیش میں تعاون کررہے ہیں۔ تفتیشی افسر نیب نے کہاکہ شرجیل میمن شامل تفتیش ہوچکے ہیں، نیب پراسیکیوٹر عمرہ کی ادائیگی کے لیے بیرون ملک گئے تھے،نیب نے تحریری جواب جمع کرا دیا ۔ بعد ازاں کیس کی سماعت تین مارچ تک ملتوی کر د ی گئی