آئی ایم ایف نے قرض پروگرام کی اگلی قسط کیلئے پیشگی اقدامات کرنے کیلئے کوئی شرائط عائد نہیں کیں ،وزارت خزانہ

آئی ایم ایف سے تیسری قسط کیلئے مزید سخت اقدامات کے حوالے سے خبریں بے بنیاد ہیں ،آئی ایم ایف کیساتھ نظرثانی مذاکرات معمول مذاکرات ہیں ، ترجمان

پیر 17 فروری 2020 16:31

آئی ایم ایف نے قرض پروگرام کی اگلی قسط کیلئے پیشگی اقدامات کرنے کیلئے ..

اسلام آباد (اُردو پوائنٹ اخبارتازہ ترین - این این آئی۔ 17 فروری2020ء) وزارت خزانہ نے آئی ایم ایف کے ساتھ مذاکرات پر وضاحتی بیان میں کہاہے کہ آئی ایم ایف نے قرض پروگرام کی اگلی قسط کیلئے پیشگی اقدامات کرنے کیلئے کوئی شرائط عائد نہیں کیں۔ وزارت خزانہ نے بتایاکہ آئی ایم ایف سے تیسری قسط کیلئے مزید سخت اقدامات کے حوالے سے خبریں بے بنیاد ہیں ،آئی ایم ایف کیساتھ نظرثانی مذاکرات معمول مذاکرات ہیں ۔

(جاری ہے)

وزارت خزانہ کے ترجمان کے مطابق مذاکرات کو حتمی کرنے کیلئے کبھی اضافی دن بھی لگ جاتے ہیں ،آئی ایم ایف نے مزید اقدامات کے حوالے سے کوئی مطالبہ نہیں کیا ۔وزارت خزانہ نے بتایاکہ چین پاکستان کا قریبی ترین دوست ہے ،آئی ایم ایف پروگرام سے چینی قرض کی ادائیگی کی خبریں بے بنیاد ہیں۔وزارت خزانہ نے کہاکہ آئی ایم ایف وفد کیساتھ مثبت مذاکرات ہوئے ،حکومت کی جانب سے آئی ایم ایف پروگرام کے تحت ریفارمز پروگرام کامیابی سے جاری ہے ۔