کبڈی ورلڈ کپ، سی سی پی او کی سکیورٹی ڈیوٹی انجام دینے والوں کو شاباش

ْاگلے مرحلے میں پی ایس ایل کی سکیورٹی کے لئے بھی تیاریاں جاری ہیں‘ ذوالفقار حمید کا پیغام

پیر 17 فروری 2020 18:30

کبڈی ورلڈ کپ، سی سی پی او کی سکیورٹی ڈیوٹی انجام دینے والوں کو شاباش

لاہو ر(اُردو پوائنٹ اخبارتازہ ترین - این این آئی۔ 17 فروری2020ء) سی سی پی او لاہور ذوالفقار حمید نے کبڈی ورلڈ کپ کے کامیاب انعقاد پر سکیورٹی ڈیوٹی انجام دینے والے پولیس افسروں اور جوانوں کو شاباش دی ہے۔ انہوں نے ایک پیغام میں کہا کہ لاہور پولیس نے کبڈی ورلڈ کپ کی سکیورٹی کا جامع پلان تیار کیا۔ ڈی آئی جی آپریشنز رائے بابر سعید کی نگرانی میں تمام پولیس فورس متحرک رہی۔

لاہور میں ہونے والے تمام میچز کے دوران پولیس نے سپورٹس بورڈ اور دیگر محکموں کے ساتھ کوآرڈینیشن کی۔

(جاری ہے)

ٹریفک پولیس نے پارکنگ اور ٹریفک کے عمدہ انتظامات کئے۔ اس بات کو یقینی بنایا گیا کہ شہریوں کو کم سے کم زحمت اٹھانا پڑے۔ سربراہ لاہور پولیس نے اس بات پر اطمینان کا اظہار کیا کہ نفری اور وسائل کی کمی کے باوجود لاہور پولیس یکے بعد دیگرے بین الاقوامی کھیلوں کو سکیورٹی فراہم کر رہی ہے۔ اگلے مرحلے میں پی ایس ایل کی سکیورٹی کے لئے بھی تیاریاں جاری ہیں۔ لاہور پولیس بین الاقوامی کھیلوں کے فروغ کے لئے ہر ممکن تعاون کر رہی ہے۔ کبڈی ورلڈ کپ کے دوران فیلڈ اور آفس دونوں مقامات پر ڈیوٹی کرنے والوں کی خدمات قابل ستائش ہیں۔