پنجاب یونیورسٹی بدھ مت تہذیب کی آثار کی کھدائی کے لئے تکنیکی معاونت فراہم کرے گی

منگل 18 فروری 2020 00:02

لاہور۔17 فروری(اُردو پوائنٹ اخبارتازہ ترین - اے پی پی۔ 17 فروری2020ء) پنجاب یونیورسٹی شعبہ آرکیالوجی حکومت پنجاب کی راجن پور کے علاقے دلو رائے میں جاری بدھ مت تہذیب کے آثار کی کھدائی کے منصوبے میں تکنیکی معاونت فراہم کرے گی۔ 434 کنال پر محیط اس علاقے کی ابتدائی تحقیق کے بارے میں بتایا جا رہا ہے کہ یہ علاقہ پنجاب میں بدھ مت تہذیب کا مرکز ہو سکتا ہے جیسا کہ ٹیکسلا میں سرکپ سٹی ہے۔

(جاری ہے)

اس لئے یہ علاقہ بین الاقوامی طور پر انتہائی اہمیت کا حامل ہے۔ اس علاقے میں آثار قدیمہ کی جانچ پڑتال سے گندھارا تہذیب کے جنوبی پنجاب میں پھیلا ئو سے متعلق معلومات حاصل ہوں گی۔آثار قدیمہ کی کھدائی کا یہ منصوبہ محکمہ آرکیالوجی حکومت پنجاب کے ڈپٹی ڈائریکٹر محمد حسن کی زیر نگرانی کھدائی کے امور سرانجام دے رہا ہے جبکہ پنجاب یونیورسٹی شعبہ آرکیالوجی کے چیئرمین ڈاکٹر محمد حمید کی زیر نگرانی ماہرین کی ایک ٹیم تکنیکی معاونت فراہم کر رہی ہے۔

Facebook Twitter Google + Share on Whatsapp

پنجاب یونیورسٹی بدھ مت تہذیب کی آثار کی کھدائی کے لئے تکنیکی معاونت فراہم کرے گی

متعلقہ عنوان :

مزید تعلیم کی خبریں